نڤیسینگەهێن بێ مۆلەت یێن ئەرد و خانیان ل زاخـۆ دێ هێنە گـرتن

زاخۆ، دلۆڤان هالۆ:

ل دووڤ گازندەیێن وەلاتیێن زاخۆ، ب بڕیارەكا هەڤپشك یا چەندین سازیێن حكومی یێن سنۆرێ ئیدارەیا سەربخوە یا زاخۆ، نڤیسینگەهێن بێ مۆلەت یێن كڕین و فرۆتنا ئەرد و خانیان ل زاخۆ دێ هێنە گرتن، پشتی ریكلاما نەدروست و سەردابرنا وەلاتیان ژ لایێ هندەك نڤیسینگەهان ڤە ل تۆڕێن جڤاكی.
هەر بۆ ڤێ مەرەمێ لیژنەیەك هاتیە پێكئینان و دێ سەرەدانا هەموو نڤیسینگەهێن كڕین و فرۆتنا ئەرد و خانیان كەت، هەر نڤیسینگەهەكا بێ مۆلەت بیت، ئێكسەر دێ هێتە گرتن و لێپرسین ل گەل هێتە كرن.
ل گورەی زانیاریان پتر ژ 190 نڤیسینگەهێن كڕین و فرۆتنا ئەرد و خانیان ل سنۆرێ ئیدارەیا سەربخوە یا زاخۆ هەنە، بەهرا پتریا وان مۆلەتا فەرمی یا حكومی هەیە و هندەك ژ وان نڤیسینگەهان ژی مۆلەتا فەرمی نینە.

کۆمێنتا تە