نیان رهشاد: گهشبینم دێ ناسناڤێن نێڤدهولهتی ب دهستڤه ئینم
ئهڤرۆ، ههولێر، سولین سلێمان:
د دیدارهكێ دا كچا ههولێرا پایتهخت و یاریزانا بلندكرنا قورسی دیاركر ژبهر حهز و ڤیانا وێ بۆ یاریا لهشجوانیێ و بلندكرنا قورسی هاتیه دناڤ مهیدانا وهرزشێ دا و بوویه بههرهیهكا تایبهتمهند كو ئهنجامێن مهزن ژی ب دهستخوهڤه بینت.
زێدهتر نیان رهشاد بۆ رۆژناما ئهڤرۆ گۆت: پشتی بشێوهكێ باش من راهێنان كرین بهره ب پشكداریكرن د قارهمانیان دا چووم و سهر ئاستێ كوردستانێ رێزا ئێكێ ب دهستخوهڤه ئینا و دیسان د قارهمانیا هێزا لهشی یا ئافرهتێن كوردستانێ و ئیراقێ ناسناڤ و رێزبهندیێن جودا دهستڤه ئیناینه و پشكداری قارهمانیا نێڤدهولهتی نایكۆدا كریه وهكو لهزترین كچا وهرزشڤان رێزا سێیێ هاتیمه و دهێته هژمارتن كچا ئێكانه یا یاریا لهشجوانیێ ل سهر ئاستێ كوردستانێ و ئیراقێ ئهڤچهنده ژی بۆ پشتهڤانیا دهیك و باب و برایێ من كو گهلهك هاریكاره گههشتینه ڤێ قۆناغا مهزن.
ژلایهكێ دووڤه ناڤهاتی گۆت: د نوكه دا مژیلی كورسێن خوه یێن خواندنێ مه لێ هیڤییا مه ئهوه قارهمانی بهێنه ئهنجامدان ژبهركو مهزنترین ئاریشا وهرزشا كچان قارهمانیێن كێم ههمبهری وێ بۆ كوڕان گهلهك چالاكی دهێنه كرن و گۆت: وهكو كچهكا كورد گهشبینم دێ ناسناڤێن نێڤدهولهتی ژی دهستخوهڤه ئینم.