نیشانێن هەبوونا هەودانێ د ناڤ لەشی دا

1- وەستیان:
هەودانێن دومدرێژ دشێن پرۆسێن ڕێکخستنا هێزا لەشی تێک بدەن و مرۆڤ هەست ب وەستیانێ بکەت هەتا پشتی کێمترین وەستیانا لەشی یان دەروونی.
2- ئێشانا زەڤلەکڵن:
ماددێن کیمیایی یێن هەوکرنان دشێن شانێن زەڤلەکان دژوار بکەن و زیانێ بگەهیننێ، ئەڤەژی دبیتە ئەگەرێ نەڕەحەتی و ئێشانا گشتی.
3- ئێشان یان ڕەقبوونا گەهان:
هەودان دشێت کاریگەری ل سەر شانێن گەهان هەبیت و وەرمین و رەقبوونا گەهان پەیدابکەن.
4- قەبزبوون:
هەودانێن دۆمدرێژ دشێن کاریگەریێ ل سەر لڤینا ڕووڤیکان پەیدابکەن، ئەڤەژی دبیتە ئەگەرێ پەیدابوونا کێشەیێن پیسایی و قەبزبوونێ.
5- زکچوون:.
هەودان دشێت کاریگەری ل سەر هەرسکرنێ هەبیت و دبیتە ئەگەرێ زکچوونێ کو ب تایبەتی ل نەخۆشیێن هەودانا ڕووڤیکان.
6- زێدەبوونا ترشیێ مەعیدێ:
زڤرینا ترشیێ مەعیدێ و هەودنا بۆریا خوارنێ و نەخۆشییا کولبوونا مەعیدێ و بۆریا خوارنێ (GERD) پەیوەندی ب هەودانێ هەیە، چونکو زڤرینا ترشیێ مەعیدێ بۆ ناڤ بۆریا خوارنێ دبیتە ئەگەرێ دوبارەبوونا هەودانێ. هندەک ژ ڤەکۆلینان پێشنیار دکەن کو هەودانا دۆمدرێژ ڕەنگە ئەگەرەک بیت بۆ تووشبوونێ ب GERD.
7- گۆهورینا کێشا لەشی:
هەودنا دۆمدرێژ رەنگە کاریگەریێ ل سەر میتابۆلیزم و شێوازێ هەڵگرتنا چەوریێن لەشی هەبیت، ئەڤەژی ب دەربازبوونا دەمی دبیتە ئەگەێ زێدەبوون یان کێمبوونا کێشا لەشی.
8-سەرئێشان:
هندەک کەسان کو هەودانێن دۆمدرێژ هەنە، ژ ئەگەرێ کاریگەریا هەودانێ نە ل سەر خوینبەران و دەمارێن ناڤ کۆئەندامی دەمارێ ناوەندی تووشی سەرئێشانا دوبارە یان هێرشا شەقیقە دبن.
9-پرسکێن پیستی:
پرۆسن هەودانێ رەنگە ببیتە ئەگەێ خوریانا پیست و پرسکان. ئەڤەژی ڕەنگە ژ ئەنجامێ ماددەیێن هەستیار، بەرکەفتن ب پلا گەرمیا زۆر، یان هەتا فشارا دەروونی ڕووبدەت.

کۆمێنتا تە