نێچیرڤان بارزانى: دڤێت زه‌لامان رۆل د نه‌هێلانا توندوتیژیێ دا هه‌بیت
ئەڤرۆ نیوز:
ئەڤرۆ چارشه‌مبى، 25/11/2020 رۆژا بەرهنگاربوونا توندوتیژیا ل دژى ژنانە، ل هەرێما کوردستانێ ژى هەر سال بۆ دەمێ دو حەفتیان چالاکیێن جودا بۆ نەهێلانا توندوتیژیێ دهێنە گێران، داخواز ژ جڤاكێ نێڤدەولەتى کر بۆ بەرهنگاربوونا توندوتیژیێ ل دژى ژنان پشتەڤانیا حکومەتا هەرێمێ بکەن.
سەرۆکێ هەرێما کوردستانێ دیار كر: ل سەردەمێ ڤایرۆسێ کۆرۆنایێ بۆ زەلامان دیاربوو، كو مال نە بتنێ جهێ بێهنڤەدانێ یە، هه‌روه‌سا ل هەر جهـ و ئاستەکى بیت دێ بەرهنگارى دەستدرێژیا ل سەر ژنان بین و ئه‌و دێ كارى بۆ نه‌هێلانا توندوتیژیا ل دژى ژنان كه‌ن.
نێچیرڤان بارزانى، راگەهاند ژى: ژ ئەگەرێ ڤایرۆسێ کۆرۆنایێ كوردستان و جیهان د قۆناغەکا دژوار دا دبورن، ژن ل مال، نەخۆشخانە، سازیێن ساخلەمى و پەروەردەیى هەمبەرى ئەرکەکێ مەزنن.
سه‌رۆكێ هه‌رێمێ گۆت ژى: بۆ پەروەردەکرنا زارۆیان و پاراستنا وەلاتیان و رێگرى کرن ژ بەلاڤنەبوونا پەژیکا کۆرۆنایێ، ژن ل بەرەیێن پێشیێ یێن خەباتێ بوون.
نێچیرڤان بارزانى، سەرۆکێ هەرێمێ دیار كر ژى: د ئالۆزیێن سیاسى دا دەستکەفتێن ژنان د کەڤنە د مەترسیێ دا، لێ ل کوردستانێ ئه‌م ژنان پشت راست دکەین ل گەل ئالیێن پەیوەندیدارێن حکومەتێ، دێ کارى بۆ پاراستنا دەستکەفتان و نەهێلانا توندوتیژیێ و مسۆگەرکرنا دادوەریا جڤاكى كه‌ین، ل هەر جهـ و ئاستەکێ بیت دێ بەرهنگارى دەستدرێژیێ بۆ سەر ژنان بین، هه‌روه‌سا دڤێت زەلام رۆلەکێ کاراتر بگێرن و پشکا مەزن یا چارەسەریێ بن و وان رۆل د نەهێلانا توندوتیژیێ دا هەبیت.
سه‌رۆكێ هه‌رێمێ ئاشکرا کر ژى، ل دەمێ کەرەنتینێ ل سەردەمێ کۆرۆنایێ بۆ زەلامان هشیاریه‌كا باش بوو، کو مال نە ب تنێ جهێ بێهنڤەدانێ یە، بەلکو جهێ کارى و هەڤکارى و بجهـ ئینانا ئەرکانە بەرامبەر دایک و خوشک و هەڤژین و پەروەردەیا زارۆیان.