نێچیرڤان بارزانى: رێخۆشكرن هه‌مبه‌رى دانوستاندنێن به‌غدا دبه‌رچاڤن
ئه‌ڤرۆ نیۆز:
سه‌رۆك كۆمارێ عیراقێ فۆئاد مه‌عسوم و سه‌رۆكێ حوكمه‌تا هه‌رێما كوردستانێ دوپاتكرن، پێدڤیه به‌غدا و هه‌رێما كوردستانێ ب گه‌هنه رێككه‌فتن و تێگه‌هشتان سه‌باره‌ت باده‌كێن هه‌لاویستى د ناڤبه‌را هه‌ردو ئالیان دا.
ئه‌گۆتن هات پشتى كومبوونه‌كا هه‌ڤپشك و پێشوازیا سه‌رۆك كۆمارێ عیراقێ بۆ شاندێ هه‌رێما كوردستانێ ب سه‌رۆكاتیا نێچیرڤان بارزانى و جێگرێ وى قوباد تاله‌بانى و هژماره‌كا وه‌زیرێن كورد و شیره‌تكاران.
سه‌رۆك كۆمارێ عیراقێ خواست، حوكمه‌تا عیراقا فیدرال و حوكمه‌تا هه‌رێما كوردستانێ پێدڤیه ب گه‌هنه چاره‌سه‌ریێن گونجایى و رازیبوونێ بۆ هه‌ردو ئالیان، كو ببیته هێڤێنێ ئێكگرتنێ دژى تیرۆرێ و ڤه‌ژاندنا ره‌وشا ئابۆرى ل سه‌رانسه‌رى وه‌لاتى.
ژئالیێ خوه‌ڤه سه‌رۆكێ حوكمه‌تا هه‌رێما كوردستانێ دوپاتكر نیازا هه‌رێمێ به‌رى هه‌موو تشته‌كى گه‌شهتنا تێكگه‌هشتنه‌كا واقعى یه ل گه‌ل حوكمه‌تا عیراقێ ل دۆر كێشێن هه‌ولایستى كو دێ بیته رێیه‌ك د به‌رژوه‌ندیا هه‌موو عیراقێ دا بیت.
نێچیرڤان بارزانى هه‌روه‌سا دیاركر، شاندێ كوردى كه‌ش و هه‌وایه‌كێ هانده‌ر بۆ گه‌شهتنا چاره‌یێن گشتى بۆ هه‌موو گێشێن هه‌لاویستى د ناڤبه‌را هه‌ردو ئالیان دا دهێته دیتن.