نێچیرڤان بارزانی: بەردەوام کار ل سەر باشترکرنا ساخلەمیێ دکەین
ئەڤرۆ نیوز:
نێچیرڤان بارزانی سەرۆک وەزیرێن ھەرێما کوردستانێ دوھی د کۆنفرانسێ ساخلەمیێ و پێشانگەھا نوشداری دا گۆتارەک پێشکێشکر و راگەھاند، ئەم ھەردەم کار بۆ پێشڤەبرنا کەرتێ ساخلەمیێ دکەین.
نێچیرڤان بارزانی ئاماژە دا وێ یەکێ ژی کو پێدڤیە رەوشا ئابووری یا وەلاتیان ل بەرچاڤ بھێتە وەرگرتن و دڤێت پتر گرنگی ب خۆپاراستنێ و ھشیارا ساخلەمیێ بھێتە دان و گۆت: د ھەموو وارێن ساخلەمیێ دا ھەرێما کوردستانێ پیشکەفتنەکا بەرچاڤ ب خوە ڤە دیتیە و د گەل ھندێ ژی ئەڤە نەخواستا حکومەتێ یە و بۆ ڤێ مەرەمێ ژی پلانێن پێشکەفتی ھەنە.
سەرۆک وەزیرێن ھەرێما کوردستانێ ل دووماھیێ سوپاسیا ستاف و کارمەند و نوشدارێن کوردستانێ کر کو سەرەرای قەیرانان دەرگەھێن نەخۆشخانان نەگرتن.
