نەخۆشخانەیا 300 تەختی یا گشتی ل دهۆكێ دێ هێتە تەمامكرن
ب بڕیار و ڕاسپاردەییێن مەسرور بارزانی، سەرۆكێ حكومەتا هەرێما كوردستانێ و ب ئامادەبوونا د. عەلی تەتەر، پارێزگارێ دهۆكێ، ل رۆژا 13/8/2026ێ گرێبەستا دیزاینكرن و تمامكرنا نەخۆشخانەیا 300 تەختی یا گشتی یا فێركاری لسەر ڕووبەرێ 57 هزار مەترێن دوجا ل سنۆرێ دەڤەردارییا سێمێلێ هاتە ئیمزاكرن.
پارێزگارێ دهۆكێ د كۆنگرەكێ ڕۆژنامەڤانی دا سوپاسیا سەرۆكێ حكومەتا هەرێما كوردستانێ كر كو پشتی چەند گرفتێن كاری و گوهۆڕینا دیزاینێ نەخۆشخانەیێ، جارەكا دی پشتەڤانییا بەردەوامییا كاری لسەر نەخۆشخانەیێ كریەڤە و گۆت: «نەخۆشخانە ب شێوەیەكێ سەردەمیانە و وەكو ئێك ژ مەزنترین نەخۆشخانەیان ل پارێزگەها دهۆكێ ب سەرجەم پشكێن نۆشداری و چارەسەریان ڤە و ب ئامیرێن پێشكەفتی دێ خزمەتا وەلاتیان كەت».
