نە یێ نەچارم مەزاختیێ ل كلیپان بكەم
هەرهین محەمەد
سترانبێژ (سەربەست زاخۆیی) كو نوكە ل وەلاتێ ئەلمانیا دژیت، د دیدارەكێ دا بۆ رۆژنامەیا ئەڤرۆ گۆت: د هەیڤێ دا ئەز چمە نێزیكی شەش حەفت دەواتان و ل ڤێرێ نە وەكو كوردستانێ یە بەردەوام بچینە دەواتان، یان دەوات هەبن و ل ڤێرێ بەردەوام كاردكەن و ل دەواتان هەموو جۆرێن سترانان دبێژم وەكو یێن ئەڤینی و لاوك و نەتەوەیی و فۆلكلۆری، دیسان هەرسترانەك ل دووڤ رەنگێ دەواتێ دمینیت و من كارێ خۆ یێ تایبەت هەیە، بەلێ ژ كەڤن وەرە دچوومە دەواتان و هەكە نەچمە دەواتان ژی من منەت ب چوونا دەواتان و هونەری نینە و هونەر بتنێ حەزا من یا زارۆكینیێ یە و دبینم ستران و هونەر و فۆلكلۆرێ مە یێ كوردی ب دەواتان هاتیە هەبوونی.
هەروەسا گۆت: د نوكەدا خودانێ دو كلیپا مە و نەیێ نەچارم مەزاختیەكێ مەزن ل كلیپان ب مەزێخم بتنێ ئەو كلیپ بۆ لایك و كۆمێنتان بن وجهێ مخابنیێ یە هونەرێ كوردی یێ بۆ لایك و كۆمێنتان و ڤیۆیا یێ مای، بەلێ هەكە جهێن پەیوەندیدار پشتەڤانیێ ل سترانبێژێن مەزن نەكەن ما ئەو دێ چەوان شێن بەردەوام كلیپان چێكەن.
