هانز فلیك سۆزەك دایە پشتەڤانێن بەرشەلۆنا
د داخویانیەكا رۆژنامەڤانی دا هانز فلیك ڕاهێنەرێ ئەلمانی و یانەیا بەرشەلۆنا یا ئسپانی كەیفخوەشییا خوە دیار كر پشتی تیما وی شیایی ب ڕیمۆنتادا سەركەفتنەكا مەزن ل سەر هەڤڕكا خوە ئەتلەتیكۆ مەدرید بینت ب 4-2 گۆلان، د یارییا واندا ئەوا چارچووڤەیێ هەڤڕكیێن گەڕا 28ێ ژ خولا ئسپانیا هاتییە كرن و شیایی ب60 خالان سەرێ لیستێ پارێزیت.
هانز فلیك بۆ رۆژنامەیا مۆندۆ دیپۆرتیڤۆ یا ئسپانی گۆت: سرۆشتییە دەمێ ئەنجامێ سەركەفتنێ یێ مە بیت ئەم كەیفخوەش دبین تایبەت ئەو سەركەفتن بوو ئەوا ب دو گۆلان پاشكەفتی بووین و یاریزانێن مە شیان ڕیمۆنتادایێ تۆماربكەن، هەموو هزرێن مە بۆ یاریێن داهاتی نە و چاوانییا بەردەوامییا سەركەفتنان و پاراستنا سەرێ لیستێ، پێكهاتیێ مە هەموو خودان شیانن و من باوەری ب یەدەكێن خوە ژی هەیە، شانازیێ ب هەموویان دبەم، لڤێرە ئەز سۆزێ ددەمە هەموو پشتەڤانێن بەرشەلۆنا كو ئەم هەتا دووماهی چركە نا ڕاوەستیین و شەڕی بۆ سەركەفتنان كەین هەتا ب گەهینە ناسناڤێ خولێ.
