هزرێن كلوخێن ڕزی
جه‌مال قاسم
روندكێن شه‌ڤا
د گه‌ل خه‌ما
دبۆرینن رۆژێن من
ژی چ نه‌ما
*****
ژ نه‌مانێ زڤریمه ڤه
بیرهاتن دكلۆخێن
رزی دا دكر سه‌ما
*****
قه‌یره نابنه ڤه كه‌نج
فیله‌ر و میك یٔا ب گوهۆڕینه ره‌نگ
ب گۆتنا ساخ نابن برینێن ده‌ما
*****
چو پرسیارا ژ من نه‌كه
پشتی یێ ڤه‌گه‌ڕیانا یێ ڤالایه
هزر بژاله‌نه
راستی دكولاڤ خوارن
كڤان ئه‌ڤرۆ یێ راسته
هه‌می به‌رسڤ بووینه هه‌ما
*****
شینوار بووینه كاڤل
هه‌لامه‌ت لێ د هه‌ل به‌هی نه
دو پێ بووینه چار لێ به‌زی نه
پارزینك ژ دره‌وا یێ پره
توره‌یی دیلانه بۆ خه‌ما
*****
هه‌ڤالا
ئێكانه یا نه‌گور
یا شه‌ڤا هه‌ناسێ ده‌ته من
یا هێزێ ده‌ته من
یا هه‌می ژڤانێن خوه
جوانیێ دگێریت
یا ئه‌سمانی گه‌ش دكه‌ن
یا دلێ من خۆش دكه‌ت
دێمێ هه‌یڤا منه
كو هه‌می شه‌ڤا ب چارده شه‌ڤی
خوه نیشا من دده‌ت
ل به‌ر باوه‌شا
نه‌رم و نازك
دنڤم ئارام و ته‌نا
