هـەكـار بەرقـی: پاراستنا ناسناڤێ ڤۆلی بۆلا ئیراقێ ئارمانجا مەیە
ئەڤرۆ، شاهۆ فەرید:
دهێتە چاڤەڕێ كرن 25ێ ڤێ مەهێ هەڤڕكیێن وەرزێ نوو یا قارەمانییا ئیراقێ بۆ یارییا ڤۆلی بۆلا كچان ل سەر ئاستێ یانەیان ل هۆلا یانەیا ئەكاد هەولێرا پایتەختێ كوردستانێ بهێتە ئەنجامدان، یانەیا سەنحاریب تاكە نوونەرا پارێزگەها دهۆكێ و قارەمانا وەرزێ بۆری پشكدارە و ب هیڤی و ئارمانجێن ناسناڤی گەشبینە.
ل دۆر بەرهەڤی و هیڤی ئۆمێدێن نوونەرا پارێزگەهێ راهێنەرێ تیما سەنحاریب هەكار بەرقی بۆ رۆژنامەیا ئەڤرۆ دیار كر ئەڤە ماوەیێ 15 رۆژن دەست ب بەرهەڤی و راهێنانێن خوە كرینە، سێ یاریزانێن نوو ژبۆ ب هێزكرنا رێزێن تیما خوە ئیناینە و هیڤییا مە ژبۆ پاراستنا ناسناڤی یە، چونكۆ یانەیێن بەرانبەری مە ب هێز دێ پشكداریێ كەن، ل سەر ئاستێ هەرێمێ حەفت یانە دێ پشكداریێ كەن و سەنحاریب نوونەرا پارێزگەها دهوكێ یە.
زێدەتر ناڤهاتی گۆت: وەكۆ هەر راهێنەرەكی هیڤی و ئارمانجا من پاراستنێ ل سەر ناسناڤێ بكەین و دووبارە ڤەگەرینە پارێزگەها دهوكێ، پارسال پشتی مە قارەمانی ب دەستخوە ڤە ئینایی چاڤەڕێ بوو پشكداری قارمانییا وەلاتێن عەرەبی بین لێ سیستەم هاتە گوهۆڕین بوونە هەلبژارتی، وەكۆ تیما یانەسا سەنحاریب كەیفخوەشین كو ئەڤ یانە ئێكانە بیت خوە ل وەرزشا كچان بكەینە خودان بۆ هەردو یارێن ڤۆلی بول و باسكێت بۆل و نەهێلن بێ خودان بمینن، كومێن خولێ ژی رۆژەكێ بەری دەستپێبكەت دێ پشككێشان بۆ هیتەكرن، داخوازێ ژ بەرێز د. عەلی تەتەر پارێزگارێ دهۆكێ و جهێت پەیوەندیدار دكەین خوە ل یانەیا سەنحاریب بكەنە خودان ژلایێ ماددی و مەعنەوی ڤە چونكۆ خەریجیاتێن ڤان قارەمانییا زورن و ئەو داهاتێ بۆ یانێ دهێت یێ كیمە و یاریزان ژی هەكە مووچەیێ وی باشی نەدەنێ ئاستی پێشكێش ناكەت.
