هنارتنا هناران دهرگهههكێ نوو بۆ گهشهكرنا بهرههمێ خۆمالی ڤهكر
ئهڤرۆ، ههدار رهشید:
ب بریارا مهسروور بارزانی، سهرۆكێ حكومهتا ههرێما كۆردستانێ دو هزار تهنێن هنارێن خۆمالی بۆ ژ دهرڤهی وهلاتی هاتنه هنارتن كۆ هنارێن حهلهبچه و زاخۆنه و ئهڤه دهرگهههكێ نوویه ل ههمبهری جۆتیارێن ههرێما كۆردستانێ هاتیه ڤهكرن.
جۆتیارهك ب ناڤێ حسین عهباس شوكری، دهربارهی بابهتێ هناردهكرنا بهرههمێ ههرێما كۆردستانێ بۆ ژ دهرڤه گۆت: ئهم سۆپاسدارێن سهرۆكێ حكۆمهتا ههرێما كۆردستانێ ینه كۆ ئهڤ بریارا دای هناردهكرنا بهرههمێن جۆتیارێن ههرێمێ دێ بیته پشتهڤانهك جۆتیار پتر زهحمهتێ ب رهز و بیستان و بهرههمێن خۆڤه ببهن و دێ بیته هاندهرهك ژبلی بهرههمێ هناران بهرههمێن دی ژ بچنه ژدهرڤه و بهرههمێن مه بۆ وهلاتێن بیانی ددهنه نیشادان و گۆت: ئهڤه بریارهكا جهێ خۆدایه ئهڤ چهنده دێ بیته ئهگهربهرههمێن جۆتیاران پووچ نهبن و مفا ژێ بهێته وهرگرتن و زهحمهتا مه ب ههروه نهچیت.
ههروهسا جۆتیارهكێ دی ب ناڤێ حهجی تحسین تروانشی دهربارهی ڤێ بابهتی دیار كر، ئهگهر ئهڤ بریاره بهێته بجهئینان كارهكێ زور باشه، چونكی جۆتیار گهلهك ماندی دبن ههتا گههشتیه وی رادهی ئێدی جۆتیاری حهزا كاركرنێ نه ل دهڤ كێم بوویه.
وی جۆتیاری گۆت ژی : هناردهركرنا هناران تنێ چارهسهری نینه، یا پێدڤیه كارگههان ل دهۆكێ ڤهكهن، ڤی فێقی بكهنه شهربهت یان مرهبا یان خهل، دا كۆ بهرههمێن جۆتیاران ب ههروه نهچن، یا پێدڤیه ههمی بهرههمان ب هنێرنه ژ دهرڤهی وهلاتی، ب تایبهت سێڤا، ژ بهر كۆ رێژا سێڤا زێدهتره ژ هناران و پێدڤیه ههموو بهرههمان ب هنێرنه ژ دهرڤه دا كۆ زێدهتر جۆتیار زهرهر مهند نهبن.
ههردیسان فرۆشیارهك ب ناڤی محهمهد حسێن گۆت: ئهڤه بریارهكا د جهێ خۆدایه، لێ ئهم حهزدكهین بهرههمێن دی ژی گرنگیێ پێ بدهن و بۆ ژ دهرڤه بهنێرن و دیار كر، دگهل ڤێ بریارێ بلا دهرگههێن سنۆری ژی بگرن و رێكێ نهدهنه بهرههمێن بیانی بهێنه دناڤ ههریما كۆردستانێ دا و بهرههمێن جۆتیارێن مه ژی ل وهلاتێن بیانی بهێنه فروتن.