هنده‌ك ئه‌مریكى ل كوبانێ شه‌رێ داعشێ دكه‌ن
ئه‌ڤرۆ نیۆز:
جێرمى یا (سیپان) كو ب ڤى ناڤێ كوردى ل كوبانێ دهێته نیاسین كه‌سه‌كێ به‌شوشه و هه‌تا نه ئاخڤیت تو نزانى ئه‌و كورد نینه و خه‌لكێ ئه‌مریكایه، جێرمى وه‌ك ئه‌ركه‌كێ مرۆڤایه‌تى هاتیه كوبانێ ل گه‌ل شه‌رڤانێن كورادن شه‌رى دژى داعشێ دكه‌ت، سیپان خه‌لكێ ویلایه‌تا میسیسپیا ئه‌مریكى یه ، دبێژیت ئه‌و ژ وه‌لاتێ خوه بۆ وه‌لاتێ خوه هاتیه.
جێرمى وودارد ئێك ژوان ئه‌مریكیانه یێت بیاڤێن درێژ بڕین ل جیهانێ و به‌ر ب سوریا هاتیه، به‌لێ به‌رۆڤاژى هه‌ڤالێن خوه دى ئه‌و هاتیه شه‌رى دژى داعشێ بكه‌ت نه‌ك بۆ داعشێ بكه‌ت، ئه‌و ڤى ب ئه‌رك و كاره‌ركێ مرۆڤایه‌تى دزانیت.
له‌ورا ل گۆڕ دیتنا (سیپانى) ئه‌و كه‌سه‌كێ خراب نینه، چونكى داعش خه‌لكێ بێ گونه دكوژن و ئافره‌ت و زاروكان بێ رومه‌ت دكه‌ن و ل بازاران دفرۆشن، كوشتنا وان كاره‌كێ قه‌نجه بۆ جیهانێ ئه‌ز بجهبینیت.
پاشى هه‌ردو هه‌ڤالێن وى دى هات كو ب ناڤێ (زاگروس) دهێته نیاسین و ناڤێ وى یێ دورست باریان و لسون ژ ویلایه‌تا ئوهاوى هاتینه، كو برێیا وه‌لاتێ توركیا و كوردستانا عیراقێ چوینه كوبانێ.
براین ئانكو زاگروس گۆت: ئه‌و گه‌له‌ك تشتا دزانیت و نوكه بزاڤان دكه‌ت من فێرى زمانێ كوردى بكه‌ت، هه‌روه‌سا گۆت، من ڤیا ده‌ستێ هاریكاریێ بۆ كوردان درێژ بكه‌م چونكى كوردان ئاخا كه‌سێ نه‌ڤیایه و داگیر نه‌كریه بتنێ ئه‌و به‌ره‌ڤانیێ ژ خوه دكه‌ن.
جێرمى (سیپان) ژیێ وى 28 ساله و دناڤ رێزێن له‌شكرێ ئه‌مریكى دا بۆ ده‌مێ 18 هه‌ڤیان كار ل عیراقێ و ئه‌فغانسانێ كریه، هه‌روه‌سا گۆت: شه‌رێ دژى چه‌كدارێن داعشێ شه‌ره‌كێ قورس و گرانه چونكى وانا چه‌كه‌كێ پێشكه‌فتى هه‌یه و قاعیده و تالیبان هه‌مبه‌رى داعشێ د لاوازن و چنینه.
سیپانى دوپاتكر، دڤێت هێزێن په‌یاده یێن له‌شكرى بهێنه ره‌وانه‌كرن بۆ ژناڤبرنا داعشێ و هێرشێن ئه‌سمانى بتنێ بۆ ڤى كارى به‌س نینه، هه‌ر چه‌نده هژمارا مه زۆرا كێمه به‌لێ وه‌ك پشته‌ڤانیا مه‌عنوى بۆ كوردان گه‌له‌كه.
