هنگڤینێ ئیرانی ئەم دلگرانكرینە
سندس سالح سلێڤانەیی
هەنگەڤان (فیراس حەربی تەلحە) كو ژ دەڤەرا دینارتێ یە، سەر ب قەزایا ئاكرێ ڤە، د دیدارەكێ دا گۆت: ئەڤ سالە ب ڕێژەیەكا زیدە و بێی هەبوونا چاڤدیریەكا توند هنگڤینێ ئیرانی یێ دهێتە كوردستانێ، كو كیلۆیا وی ب (شەش هزار) دینارانە و ل ڤێرە ب ناڤێ هنگڤینێ خۆمالی دهێتە فرۆتن و ڤێ چەندێ هەنگەڤانێن دەڤەرا ئاكرێ دلگرانكرینە.
هەروەسا گۆت: پێدڤیە حكومەت ڕێگریێ ل وان بازرگانان بكەت یێن كو هنگڤینێ سەختە د ئینە كوردستانێ و ئەز ب باوەرم پتریا وی هنگڤینی ب ڕێكێن قەچاغ دهێت و ڤێ چەندێ كارتێكرنەكا زۆر ل هنگڤینێ مە كریە، ژبەركو هەردەم هنگڤینێ كوردستانێ ل پلا ئێكێ دهێت و مە نەڤێت هنگڤینێ ئیرانی ب ناڤێ یێ كوردستانێ بهێتە فرۆتن، چنكو وەكو مە گۆتی هنگڤینێ كوردستانێ یێ ب ناڤودەنگە.