هه‌رێما كوردستانێ پێشبینیا 500 هه‌زار به‌رمیلێن په‌ترۆلێ دكه‌ت
ئه‌ڤرۆ نیۆز:
وه‌زیرێ سامانێن سرۆشتى یێ حوكمه‌تا هه‌رێما كوردستانێ ئاشتى هه‌ورامى راگه‌هاند، هنارده‌كرنا په‌ترۆلا هه‌رێمێ زێده بوویه به‌ر ب 300 هه‌زار به‌رمێلان رۆژانه و پێشبینى دهێته كرن ل ده‌ستپێكا سالا بهێت ب گه‌هیته 500 هه‌زار به‌رمیلان د رۆژه‌كێ دا.
ئاشتى هه‌ورامى د كونگره‌كێ رۆژنامه‌ڤانى دا ل هه‌ولێرێ گۆت: ئه‌م نها نێزیكى هنارتنا 300 هه‌زار به‌رمیلان رۆژانه بۆ به‌رنده‌رێ جیهان یێ توركى د هنێرین، و بێ دودلى دڤێ حه‌فتیێ دا دێ گه‌هیته 300 هه‌زار به‌رمیلان.
وه‌زیرێ سامانێن سرۆشتى هه‌روه‌سا گۆت: 3 كێله‌گهێن دى یێن په‌ترۆلێ ل ده‌ڤه‌رێ د سێ هه‌یڤێن بهێتدا دێ ده‌ست ب به‌رهه‌مئینانا په‌ترۆلێ كه‌ن، دیاركر ژى پێشبینى دهێته كرن هنارده‌یا پترۆلا هه‌رێما كوردستانێ ل ده‌ستپێكا سالا بهێت دا ب رۆژانه گه‌هیته 500 هه‌زار به‌رمیلان.
