هه‌كه یاریا دۆمبه‌لێ نه‌بیت یانا سانحاریب ژی نینه
ئه‌ڤرۆ، هه‌رهین محه‌مه‌د:
سه‌روكێ یانا سه‌نحاریب یا وه‌رزشی دیاركر بۆ ده‌مه‌كه ده‌ست ب وه‌به‌رهێنانه‌كێ كریه و نوكه د قوناغا ئاڤاكرنێ دایه، لێ نه‌یا دیاره كا كه‌نگی دێ ب دووماهی هێت.
زێده‌تر داود ره‌به‌ن ،سه‌رۆكێ یانا سه‌نحاریب یا وه‌رزشی دیداره‌كێ دا بۆ رۆژناما ئه‌ڤرۆ گۆت: ل یانا سه‌نحاریب گه‌له‌ك جورێن یاریان هه‌نه و بتنێ یاریا ته‌پاپێی نه بیت و نه‌بوونا ڤێ یاریێ ل یانا سه‌نحاریب چو كارتێكرن ل مه نه‌كریه، چونكو وه‌رزش نه‌بتنێ ته‌پاپێی یه، به‌لكو گه‌له‌ك یارێن دی ب خوه‌ڤه دگریت و من تیمه‌كا یاریا باسكێت بۆلا كچان هه‌بیت و ل خولا نایابا ئیراقێ و رێزا ئێكێ ب ده‌ستخوه ڤه بینم ئه‌ڤه بۆ مه به‌سه و شانازی یه بۆ یانا مه.
هه‌روه‌سان ناڤهاتی گۆت: یاریێن ته‌پا پێی گه‌له‌ك مه‌زاختی لێ دچیت و هه‌كه ئه‌م ده‌ستپێبكه‌ین دێ ژ پلا سێ ده‌ستپێكه‌ین هه‌تا دگه‌هینه پلا دوێ و یا ئێكێ و پاشان هه‌تا پلا مونتاز و گه‌له‌ك مه‌زاختی پێ دڤێت هه‌تا بشێت سه‌ركه‌فتنان ب ده‌ستخوه ڤه بینت، چونكو ئه‌م ل دووڤ پێچێبوونا خوه كاردكه‌ین و هه‌كه مرۆڤ بخوه تیمه‌كێ دروست بكه‌ت دڤێت مرۆڤ بگه‌هیته ئارمانجه‌كێ و هه‌كه ئه‌م تیمه‌كێ دروستبكه‌ین و داهاتێ مه یێ كێم بیت ب ڤی ره‌نگی پارێ مه ژی دێ چیت و ناگه‌هینه ئارمانجا خوه ژی و هه‌ر یاریزانه‌كێ ژ جهه‌كی بینین گه‌له‌ك پاره دڤێت و دبیت سالێ هه‌موویێ ئه‌م سیه ملیون دیناران نه مه‌زێخین له‌ورا نوكه ئه‌ز پێ خوه ل دووڤ به‌ركا خوه درێژدكه‌م.
ل دووماهیێ داود ره‌به‌ن گۆت: مه چو پشته‌ڤانی نینه و چو كه‌س پشته‌ڤانیا مه ناكه‌ت و داهاتێ مه بۆ مه ژیاریا دومبه‌لێ دهێت و مه كوگه‌هه‌ك یا بكرێ یا هه‌یه و ب وی پاری مه‌زاختیێ یانێ ناده‌ركه‌ڤیت و تێرا تیمێ ژی ناكه‌ت بتنێ وه‌كو پاره‌كێ هێمایی ده‌ینه وان.
