ههژمارهكا سایلۆیان دێ هێنه دانان
ئهڤرۆ:
بهرپرسهكێ وهزارهتا بازرگانی و پیشهسازی یا ههرێما كوردستانێ ئاشكرا كر، بڕیاره ههژمارهكا سایلۆیێن نوو ل ههرێما كوردستانێ بهێنه چێكرن و دبێژیت: چێكرنا سایلۆیان دێ كاریگهری ل سهر پرۆسا وهرگرتن و عهمباركرنا گهنمێ ههرێما كوردستانێ ههبیت.
فهتحی عهلی، شیرهتكارێ وهزارهتا بازرگانی و پیشهسازی بۆ ئاژانسا خانی گۆت: “د نوكه دا وهزارهتا بازرگانی و پیشهسازی كار بۆ ئاڤاكرنا ههژمارهكا سایلۆیێن نوو ب مهرهما نههێلانا ئاریشا وهرگرتن و عهمباركرنا گهنمێ ههرێما كوردستانێ دكهت، ل گورهی پلانا حوكمهتێ ل ههموو پارێزگههێن ههرێما كوردستانێ سایلۆ بۆ عهمباركرنا گهنمی دێ هێنه چێكرن و ئێدی ئاریشا وهرگرتن و عهمباركرنا گهنمی نامینیت، چونكی ل دووڤ ستانداردێن جیهانی دێ هێنه چێكرن”.
ناڤهاتی گۆت ژی: “وهزارهتا بازرگانی بهرههڤی بۆ وهرگرتنا بهرههمێ جۆتیاران د ئهڤ ساله دا كرییه و چێكرنا سایلۆیان ژی دێ كاریگهری ل سهر بابهتێ وهرگرتن و عهمباركرنێ ههبیت، چونكی ههرێما كوردستانێ ئێك ژ وان وهلاتانه یێن بهرههمهكێ زۆر یێ گهنمی ههی و حوكمهت ژی دخوازیت زێدهتر گرنگیێ ب گهنمێ ناڤخوه بدهت”.