هه‌ڤبه‌ستا دو یاریزانێن به‌رازیلی ل کوردستانێ هاتنه هه‌لوه‌شاندن
ئه‌ڤرۆ نیوز:
ل دیڤ پێزانینن به‌ر ده‌ستێ ئه‌ڤرۆ نیوز که‌ڤتین ده‌سته‌یا کارگێریا یانا زێره‌ڤانی ل سه‌ر داخوازیا ستاڤێ راهێنه‌ریا تیمێ بریار دایه هه‌ڤبه‌ستا هه‌ردو پیشه‌کارێن خوه يين به‌رازیلی ب هه‌لوه‌شینت کو ئێک ژ ئه‌وان ژ به‌ر ئه‌گه‌رێ هنگافتنێ و یێ دویێ ژ ئاستێ وی هونه‌ری رازی نینه .
ل دیڤ ئه‌و پێزانینن به‌ر ده‌ستێ ئه‌ڤرۆ نیوز که‌ڤتین ستاڤێ راهێنه‌ریا تیما زێره‌ڤانی ،کارگێریا یانێ ئاگادار کریه کو هه‌ڤبه‌ستا ریکاردینیو ئه‌وێ ل هێلا ناڤین دکه‌ت ب هه‌لوه‌شینن ژبه‌ر ئاستێ وی یێ هونه‌ری ، پشتی ل چار یاریێن بوری ده‌لیڤه دایێ و یاریزانێ ناڤبری نه‌شیا بیته جهێ رازیبوونا راهێنه‌رێ تیمێ ، هه‌ردیسان بریار هاتیه دانێ هه‌ڤبه‌ستا دوس سانتوس جون ئه‌وێ ل هێلا هێرشبه‌ری دکه‌ت بهێته هه‌لوه‌شاندن ژبه‌ر هنگافتنێ پشتی ل یاریا گه‌را سێ یێ دا ، ل یاریا به‌رامبه‌ر ئارارات توشی هنگافتنه‌کا گران بووی و دبیت هه‌تا دووماهیا ڤی وه‌رزی ژ یاریگه‌هێن ته‌پا پێ دورکه‌ڤیت.
هه‌ژی گوتنێ یه ده‌ستپێکا وه‌رزێ ئه‌ڤ ساله کارگێریا یانا زێره‌ڤانی هه‌ڤبه‌ستا هه‌ردو پیشه‌کارێن به‌رازیلی ئیمزاکری کو ل دویڤ وان پێزانینن به‌ر ده‌ستێ ئه‌ڤرۆ نیوز هه‌ین کارگێریا یانی هه‌ڤبه‌ست ب موچه‌یێ هه‌یڤانه ل گه‌ل ئه‌ڤان یاریزانان ئیمزاکر بوو کو موچه‌یێ ریکاردینیو ٢٠٠٠ هه‌زار دولار بوون و یێ دی ١٠٠٠ دولار بوون هه‌ر یاریزانه‌کی ئێک موچه وه‌وگرتی یه لێ کارگێریا یانا زێره‌ڤانی هزر ل پاداشه‌کێ بوو یاریزان دوس سانتوس کریه هه‌ردیسان هه‌می مه‌زاختنێن وی نشته‌گه‌ریێ ژی بو کرینه.
