هه‌ڤپه‌یمانان سۆزدایه فرۆكه و تانكان بده‌نه كوردان
ئه‌ڤرۆ نیۆز:
په‌یڤدارێ فه‌رمى یێ حوكمه‌تا هه‌رێما كوردستانێ سه‌فین دزه‌یى بۆ رۆژناما شه‌رق ئه‌لئه‌وسه‌ت دیاركر، هه‌رێما كوردستانێ چاڤه‌رێ به‌غدایه، كو ل ده‌مه‌كێ نێزیك دانوستاندن د ناڤبه‌را هه‌ردو ئالیان دا بهێنه ئه‌نجامدان، وه‌كى نیاز پاكیه‌ك و ئاڤكرنا باوه‌ریێ د ناڤبه‌را به‌غدا و هه‌ولێرێ دا و چاره‌كرنا هه‌موو قه‌یرانێن هه‌لاویستى.
سه‌فین دزه‌یى هه‌روه‌سا دوپاتكر، هه‌رێما كوردستانێ نها ل به‌رۆكێن شه‌رى دژى تیرۆرێ یه و پێدڤى ب چه‌كێ قورس و گران و پێشكه‌فتى هه‌یه، ئاماژه‌دا هندێ ژى، هێزێن هه‌ڤپه‌یمانان سۆز دایه كوردان، فرۆكێن جه‌نگى و تانكان بده‌نه كوردان.
په‌یڤدارێ فه‌رمیێ حوكمه‌تا هه‌رێمێ خوه‌یاكر، سۆزا هه‌ڤپه‌یمانان ب دانا تانك و فرۆكان ژ بۆ به‌ره‌ڤانیكرن و به‌رسینكگرتنا چه‌كدارێن داعشێ یه، كو هه‌تا نها نه‌شیایه باژێرێ كوبانێ ب هه‌موو شیانێن خوه كونترۆل بكه‌ت.
