هه‌ڤپه‌یمانیا كوردستانى: بیێ پێشمه‌رگه‌ى مووسل ئازاد نابیت
ئه‌ڤرۆ نیۆز:
ئه‌ندامێ هه‌ڤپه‌یمانیا كوردستانێ د جڤاتا نوونه‌رێن عیراقا فیدرال دا هوشیار عه‌بدوللا ى راگه‌هاند، كاره‌كێ نه‌یێ ره‌وایه حوكمه‌تا عیراقێ ماقێ پێشمه‌رگه‌ى ل به‌رچاڤ نه‌گریت، نها ئه‌م داخوازا چه‌كى و كه‌لوپه‌لان بۆ پێشمه‌رگه‌ى ژ به‌غدا ناكه‌ین، چونكه ره‌وشا پێشمه‌رگه‌ى ژ ڤى ئالى ڤى ژ ره‌وشا له‌شكرێ عیراقێ باشتره.
هوشیار عه‌بدوللا ئه‌ندامێ لیژنا ئێمناهى و به‌ره‌ڤانیێ دیاركر، باژێرێ مووسل نابیت بیێ پشكداریا پێشمه‌رگه‌ى بهێته ئازاد كرن، چونكى شه‌ره‌كێ گرانه و هێزێن پێشمه‌رگه‌ى ل سه‌ر شه‌رێ جه‌ردجیان مه‌شق و راهێنان كرینه و سه‌ركه‌فتنێن ڤێ داویێ باشترین به‌لگه‌نه.
هه‌ژى گۆتنێ یه كو سه‌رۆكێ حوكمه‌تا هه‌رێما كوردستانێ به‌رى هه‌یامه‌كێ دداخویانیه‌كێ دا راگه‌هاند بوو پێشمه‌رگه یێ به‌رهه‌ڤ نینه خوه بۆ مووسل بده‌ت كوشتن، چونكى خه‌لكى مووسلێ ب خوه نه‌یێ به‌رهه‌ڤ خوه بۆ مووسلێ بده‌ته كوشتن.
