هه‌ڵه‌بجه: قوتابیانی گه‌ڕاوه‌ی ئێران 28 كه‌س كه‌ره‌نتینه‌كران
ئه‌ڤرۆ نیۆز، عه‌زیز هه‌ورامی:
پاش ئه‌وه‌ی به‌ڕێوه‌به‌رایه‌تی گشتی ته‌ندروستی هه‌ڵه‌بجه لیستێكی 31 كه‌سی قوتابی زانكۆكانی ئێران بڵاو كرده‌وه له ده‌روازه‌ی مونزریه‌ی عێراق گه‌رابونه‌وه نه‌ڕشتبونه كه‌ره‌نتینه ئه‌مڕۆ 28 كه‌سیان كه‌ره‌نتینه كران.
به‌ڕێوه‌به‌ری گشتی ته‌ندروستی هه‌ڵه‌بجه دكتۆر ئازاد موسته‌فا، به ئه‌ڤرۆ نیۆزی ڕاگه‌یاند:” دوای ئه‌وه‌ی وه‌زاره‌تی ناوخۆ لیستێكی ئه‌و قوتابیانه‌ی بۆ ناردین له ئێرانه‌وه گه‌ڕاونه‌ته‌وه،ئێمه‌ش له‌گه‌ڵ ئه‌وكه‌سانه‌مان به‌راوردكرد كه له‌كه‌ره‌نتینه‌كان بون بۆمان ده‌ركه‌وت 28 قوتابی نه‌هاتوونه‌ته كه‌ره‌نتینه.
ئازاد موسته‌فا ده‌ڵێ:” بانگه‌وازێكمان بڵاو كرده‌وه له‌وه‌ی ئه‌و قوتابیانه‌ی گه‌راونه‌ته‌وه له ئێران له ڕێگه‌ی ده‌روازه‌ی مونزریه ئاماده نه‌بون سه‌ردانی كه‌ره‌نتینه بكه‌ن، له ماوه‌ی 24 سه‌عات نه‌یه‌نه كه‌ره‌نتینه ئه‌وه ناوه‌كانیان ده‌ده‌ین به وه‌زاره‌تی خوێندنی باڵا و توێژینه‌وه‌ی زانستی مۆڵه‌تی خوێندنیان هه‌ڵده‌وه‌شێنینه‌وه وه له‌گه‌ڵ دیوانی یاسایی پارێزگای هه‌ڵه‌بجه ڕێكاری یاسای له دادگا ده‌گرینه‌به‌ر دژیان.
مسته‌فا ده‌ڵێ، به‌شێك له‌و قوتابیانه خۆیان هاتن و ڕۆشتنه كه‌ره‌نتینه به‌شێكی تریشیان له ڕێگه‌ی هێزه‌كانی ئاسایش و پۆلیس هێندران بۆ كه‌ره‌نتینه ئێستا 28 كه‌س له كۆی 31 كه‌سیان كه‌ره‌نتینه كراون، ته‌نها سێ كه‌سیان ماوه ژماره‌ی ته‌له‌فۆنیان داخستووه، خۆیان حه‌شارداوه.