هه‌ڵه‌بجه: له دوو هه‌فته‌ی داهاتوو كۆتایی به كورونا دێت
ئه‌ڤرۆ نیۆز، عه‌زیز ڕه‌سووڵ:
ئه‌مڕۆ به‌ڕێوه‌به‌ری گشتی ته‌ندروستی هه‌ڵه‌بجه وتی، 7 توشبوی كورونا چاك بوونه‌ته‌وه نێردراونه‌ته‌وه بۆ ماڵه‌وه، ڕه‌وشی توشبوانی تری كوونا باشه، ئه‌مڕۆ هه‌ڵه‌بجه ده‌بێته خاوه‌نی تاقیگه‌ی تایبه‌ت به‌خۆی بۆ پشكنینی كۆرۆنا.
ئازاد مسته‌فا به‌ڕێوه‌به‌ری گشتی ته‌ندروستی هه‌ڵه‌بجه، به ماڵپه‌ڕی ئه‌ڤرۆ نیۆزی ڕاگه‌یاند: ئه‌مڕۆ هه‌ڵه‌بجه له كورونا پێ ناییه ڕه‌وشێكی دڵخۆشكه‌ر 7 توشبوی كورونا چاك بونه‌وه ڕه‌وانه‌ی ماڵه‌وه كراون، 12 توشبوی تری كورونا له قاوشه‌كان ماون، به‌شێكیان دووپشكنینیان بۆ كراوه پشكنینه‌كانیان پاك بوه ، لای ئێمه هه‌ر توشبوێك سێ پشكنینمان بۆكرد پاك ده‌رچوو ئه‌وه پێ ده‌وترێت ڤایرۆرسی كۆرۆنای په‌ڕاندووه.
ئازاد مسته‌فا وتیشی:” هه‌ڵه‌بجه وه‌ك شاره‌كانی تری كوردستان بوه خاوه‌نی تاقیگه‌ی پشكنینی كورونا، له‌سه‌ر ئه‌و بودجه‌ییه كردراوه كه حكوومه‌تی هه‌رێمی كوردستان بۆ ڕوبه‌ڕوبونه‌وه‌ی كورونا بۆ پارێزگای هه‌ڵه‌بجه‌ی ته‌رخان كردووه.
هه‌روه‌ها ئاماژه‌ی به‌وه‌كرد:” ئه‌و توشبوانه‌ی كورونا چاك ده‌بنه‌وه ده‌نێردرێنه ماڵه‌وه فۆرمێكیان پێ پڕده‌كه‌ینه‌وه، به‌رده‌وام پزیشك چاودێری ڕه‌وشی ته‌ندروستییان ده‌كات.
ناوبراو زیاتر وتی:” دوو هه‌فته‌ی داهاتوو دامان ناوه به سه‌ر سه‌ركه‌وتن به‌سه‌ر كورونا له پارێزگای هه‌ڵه‌بجه به یه‌كجاری.