هه‌ڵه‌بجه: 60 قوتابی زانكۆكانی ئێران گه‌ڕاونه‌ته‌وه خۆیان له چاوی ته‌ندروستی حه‌شارداوه
ئه‌ڤڕۆ نیۆز، عه‌زیز هه‌ورامی:
به‌رێوه‌به‌رایه‌تی گشتی ته‌ندروستی هه‌ڵه‌بجه ڕای ده‌گه‌یه‌نێت، زانیاریان هه‌یه 60 قوتابی له پارێزگای هه‌ڵه‌بجه له ئێران خوێندوویانه گه‌ڕاونه‌ته‌وه به ڕێگای ده‌روازه‌كانی خواروی عێراق به‌نایاسایی ،له چاوی ته‌ندروستی خۆیان حه‌شارداوه، مه‌ترسین بۆ سه‌ر كۆمه‌ڵگا.
له ڕاگه‌یه‌ندراوه‌كه‌ی به‌ڕێوه‌به‌رایه‌تی گشتی ته‌ندروستی پارێزگای هه‌ڵه‌بجه هاتووه، 60 قوتابی له زانكۆكانی وڵاتی ئێران ده‌خوێنن له ڕێگای ده‌روازه‌كانی خواروی عێراق به‌نایاسایی هاتونه‌ته‌وه، خۆیان حه‌شارداوه ئاماده‌نین خۆیان ئاشكرابكه‌ن و پشكنینی كۆرۆنایان بۆبكرێت و بخرێنه كه‌ره‌نتینه‌كانه‌وه.
به‌ڕێوه‌به‌رایه‌تی ته‌ندروستی هه‌ڵه‌بجه ڕای گه‌یاندووه، ئه‌گه‌ر له 24 سه‌عاتی داهاتوو خۆیان ڕاده‌ست نه‌كه‌ن ئه‌وه مۆڵه‌تی خوێندنیان هه‌ڵده‌وه‌شێته‌وه.
توندروستی هه‌ڵه‌بجه له ڕاگه‌یه‌ندراوه‌كه‌ی ده‌ڵێ، بڕیاردراوه هه‌رقوتابێك خۆی ڕاده‌ستی تیمه‌كانی ته‌نروستی نه‌كات ئه‌وه له ڕێگای پارێزگای هه‌ڵه‌بجه‌وه ڕوبه‌ڕوی یاسا ده‌كرێته‌وه سزاده‌درێن.
