هوشیار زێبارى: حوكمه‌ت به‌غدا ل سه‌ر هنارتنا موچه‌ى رازیبوو
ئه‌ڤرۆ نیۆز:
وه‌زیرێ دارایى عیراقێ هوشیار زێبارى بۆ مالپه‌رێ پارتى دیموكراتى كوردستان گۆت: پشتى رێككه‌فتنا حوكمه‌تا هه‌رێما كوردستانێ و حوكمه‌تا عیراقا فیدرال، سه‌باره‌ت چاره‌كرنا ئالیۆزا هنارتنا په‌ترۆلا هه‌رێما كوردستانێ بۆ ده‌رڤه‌ى وه‌لاتى و ره‌وانه‌كرنا موچێ فه‌رمانبه‌رێن هه‌رێمێ ژ ئالیێ به‌غداڤه، به‌غدا لسه‌ر هنارتنا موچه‌ى رازیبوویه.
هوشیار زێبارى هه‌روه‌سا گۆت: حوكمه‌تا ناڤه‌ندیا به‌غدا ل سه‌ر هنارتنا موچێ فه‌رمانبه‌ران رازیبوویه كو دێ ژ بودجا گشتى یا عیراقێ هێته ره‌وانه‌كرن. به‌رانبه‌رى وێ حوكمه‌تا هه‌رێمێ دێ بهایێ 150 هه‌زار به‌رمیلێن روژانه یێن داهاتێ په‌ترۆلێ بۆ به‌غدا هنێریت، كو دبیته نیڤا وى داهاتێ په‌ترۆلا خاڤا یا هه‌رێما كوردستانێ ره‌وانه‌ى ده‌رڤه‌ى وه‌لاتێ دكه‌ت بۆ بودجا گشتى یا عیراقێ.