هونهرمهندێن مه ژی وهك پیڤازێن توركی نه
گهلهك جاران رهخنه ل حوكمهت و كار بهرپرسێن وهلاتێ مه دهێته گرتن كو ههر ههموو تشتێ مه یێ بیانی یه و تشتێ خوَمالی گهلهكێ كێمه، دبیت ئهڤێ چهندێ ژی هوَكار و ئهگهر ههبن و ههر ههموو تشت بۆ حوكمهتێ ناهێنه ڤهگهرندن، چونكه راسته حوكمهتێ مووچهك بۆ ته چێكریه تو هاتیه باژێری نهیێ بهرههڤی بچیه بهر پهزی ماندیبوونهكا زێده و ب ههمان سهنگا پارهی، لێ بهرامبهر پارهكێ باش ژی دایه و ههموو رێ بۆ ته خوهشكرینه بچیه گوندی ژی ب جوانترین و پێشكهفترین ئاست ب خوه خانیهكی چێكهی و ئهڤه ب وێ مهرهمێ كو بهرێ خهلكێ مه ب چیته گوندان، لێ خهلكێ مه ئهڤه بۆ گهشت و گوزارێ ب كارئینان بۆ گهنجان ههكه رۆژهكێ بڤێت بچنه بهێنڤهدانێ، ئهڤه دا پیڤاز و ههر تشتهكێ گرێدایی خوارنێ و كاركرنێ ژ دهرڤه نههێت و پشتهڤانی بۆ تشتێ خوَمالی، لێ ئهم دبهرههڤ نهبووین ئهڤی تشتێ هه ههموو یێ بكهین. بابوَ بلا بێژین حوكمهت ئهگهره، باشه ما حوكمهت ئهگهره دراما بیانی بهێته وهلاتێ مه و شانۆكار و زارڤهكهرێن مه ل پشت مایكا بتنێ دهنگێ خوه پاڤێنهر سهر و مالپهرێ جڤاكی شانازیێ ب دهنگێ خوه و ببهن! ل ڤێره ما دناڤبهر وان و پیڤازا توركی چیه؟ ههر دوو بهرههمێن توركی نه و پاره ژ كوردستانێ دهر دكهڤیت بۆ كرینێ و تهماشهڤان ل كوردستانێ بۆ پهیدا دبیت و ئهگهر ئهو نههێت ههر مه چ نابیت و ئهم نهشێن ههر چ نه تشتهكی بڤی رهنگی وهك دراما بكهین، بۆچی ههر ژ كلكا بزنێ ههتا دگههیته دووماهی تشت ب حوكمهتێ ڤه دێ گرێدهین، راسته ئهوان ژی شاشی ههنه، لێ مه ژی دهست و مهژی بهرداینه و بتنێ دهڤێ مهیێ ڤهكریه و ههكه تشتهك ههبوو دێ خوهین و ئهگهر نه دێ مینینه راوستایی، ئهڤه ژ لایهكی ڤه باشه هونهرمهندێن مه یێن خوَمالی چیه خوه كریه د دهستێ نهزانان و نههونهرمهندان دا، كهسهكێ بازرگان دا و دهرچوویێ ئهكادیمی دێ بنه یاریا بازرگانان و دێ بنه خویك بۆ بهریكان، ئهرێ زانین و خواندنا ته یا ئهكادیمی یا هونهری و هزری ههموو بۆ هندێ بیت كو كهسهك ته بكهته یاری و پارا ب ته وهربگریت و ههر رۆژی ل سهر لاپهررێن رۆژنامه و تورێن جڤاكی ئهم بۆ دراما خومالی ب نالین و ههر ژ مه نههێت ژی ب حوكمهتێ ڤه گرێدهین و ئهم نهبێژین ئهم ژی چ نین و ئهم دهرچووینه و ههتا نوكه بهرههمێ پشتی دهرچوونا مه دۆبلاژه و نه چ تشتهكێ دی یه و ئهم شانازیێ ب ڤی كاری بكهین!!
