هژماره‌كا چه‌كداران رێكێ ناده‌ن غاز بگه‌هیته هه‌ولێرێ
ئه‌ڤرۆ نیۆز، قائید میرۆ
چه‌ند رۆژه‌كه ئاریشه‌یا نه‌بوون و بلندبوونا بهایێ غازێ ل باژێڕێ هه‌ولێرێ په‌یدابوویه و قایمقامێ هه‌ولێرێ ژی دبێژیت، هژماره‌كا چه‌كداران رێكێ ناده‌ن غاز بگه‌هیت.
نه‌به‌ز عه‌بدولحه‌مید، قایمقامێ قه‌زا هه‌ولێرێ بۆ ئه‌ڤرۆ نیۆز دیاركر” دوهی رۆژا شه‌مبی ئاریشه‌یا كێمیا غازێ هاتیه چاره‌سه‌ركرن ئینانا غازێ ب كۆمپانیه‌كادی هاتیه‌دان، به‌لێ هه‌ر دوهی هژماره‌كا چه‌كداران خودانێ كۆمپانیێ ره‌ڤاندیه و گه‌ف لێكرینه.
نه‌به‌ز عه‌بدولحه‌مید دبێژیت” داخوازێ ژ سه‌رۆكایه‌تی جڤاتا وه‌زیران دكه‌ین بۆ چاره‌سه‌ركرنا ئاریشا نه‌بوونا غازێ ل هه‌ولێرێ، چونكه نابیت وه‌لاتی باجا هنده‌ك كه‌سان بده‌ن یێن دخوازن رێگریێ بكه‌ن ل گرێبه‌ستا كۆمپانیا ڤه‌گوهاستنا غازێ.
