هۆلەكا مەزن یا سینەمایێ ل زاخۆ دێ هێتە دروستكرن
زاخۆ، دلۆڤان هالۆ:
جگەرخوین تاهر، ڕێڤەبەرێ گشتی یێ وەبەرهێنانێ ل ئیدارەیا سەربخوە یا زاخۆ بۆ ڕۆژناما ئەڤرۆ دیاركر كو پڕۆژەیەكێ نوو یێ وەبەرهێنانێ، كو هۆلەكا سینەمایێ یا مەزنە، ل سەر ڕووبەرێ دو هزار مەتران و ب گوژمێ ئێك ملیۆن دۆلاران، ل ئیدارەیا سەربخوە یا زاخۆ دێ هێتە دروستكرن.
ڕێڤەبەرێ گشتی یێ وەبەرهێنانێ ل ئیدارەیا سەربخوە یا زاخۆ گۆت: «ئەڤ هۆلا سینەمایێ ل دەمەكێ نێزیك ل سەر جاددەیا 60 مەتری د ناڤبەرا گوندێ دەشتمرێ و نیۆ زاخۆ دا دێ هێتە دورستكرن، كو ژ 306 كورسیێن ڕوونشتنێ پێك دهێت».
گۆت ژی: «د ڤی پڕۆژەیی دا خوارنگەهـ و پەرتووكخانەكا بچووك و پاركا دو نهۆمی یا ڕاوەستاندنا تڕۆمبێلان هەیە، دیسا د پلانا مە دایە، ل داهاتی فیستەڤالا فلمان ژی ل ڤێ هۆلا سینەما زاخۆ بهێتە ئەنجامدان».
