هیڤی و ئۆمێدێن مە ئێكرێزیا ملەتـێ كوردە چونكی ئێكرێزی سەركەفتنە
سالار محەمەد دۆسكی:
10-13
چونكە من دانپیدان نەكر و گەلەك قوتام و هەتا كەفتیمە نەخوشخانێ و رێڤەبەرێ ئەمنێ پێ وی شكەست بوو و كەفتە نەخوشخانێ و ئەڤە بوونە ئەگەر ل زیندانێ دا دەركەڤم، ل گەل گرتنا من هەر ل دەسپێكێ ئەو هەڤالێن منێن رێكخستی هەر ئێكی ل جهەكی خوە قورتال كر و بەرزەكر و هەتا رێكخستیێن من ل مویسل خوە بەرزەكرن و دەمێ هاتیمە دەستەسەركرن و خەلكی هەر ئێكی تشتەك گۆتن و هندەكا دگۆتن لوقمان بەرپرسەكێ رێكخستنێ یێ مەزنێ دەڤەرێ یەو ناڤێن رێكخستیان هەمی د دەستێ وی دانە و ترس كەفت بوو دناف خەلكی دا هەمی و ئەڤێن خوە قورتال كرین چووینە ناڤ بەرواری یا و گەلەك مان و دیت من چ دانپێدان نەكرن پیچەكێ ئارام بوون.
لوقمان مایی زیندانیێ سیاسی زێدەتر گۆت: 1/10/1982ێ هاتبوومە دەستەسەركرن و نێزیكی شەش هەیڤان مامە ل زیندانا بەعسیان ل زاخۆ دا و هەر من دانپیدان نەكر و گەلەك قوتان و ئێشان و ئەشكەنجەدان و نەخوشخانە و ئەگەرێ دەركەفتنا من ژی هەر ل زیندانێ من دانپیدان نەكر 8/10/1983 هاتمە ئازادكرن.
لوقمان محسن مایی، ناڤێ ئەوان قوتابیان ئاشكراكرن ئەوێن ل گەل وی خوپیشاندان ل بێرسفێ كرین و ل گەل وی بزاڤێن ڤەكرنا خواندنا كوردی كرین و ئەڤە ئەگەرێ دروستبوونا ئەڤێ كێشێ و زیندانێ و ئەشكەنجەدانێ بوو، ئەو ژی ئەڤە بوون، لوقمان محسن عبدولكەریم مایی، عومەر مستەفا مایی، رەمەزان محەمەد سەبری، حەمدی شەعبان ئەرەدنی، خەلیل عەلی خەواجە بوسلی، مەجید حاجی بوصلی، شڤان ئوسمان هالو بوسلی، محەمەد حەسەن هەجەر سوری گولی، نەزیر یوسف بوسلی ئەم ئەڤ نەه قوتابیە مە هەڤركیا حزبا بەعس ل زاخوە كر و مە خواندنا زمانێ كوردی ل ئامادەیا بێرسفێ ڤەكر و ئەڤە ئەگەرەكێ سەرەكی بوو كەفتیمە زیندانێ وەكی رێكخستیەكێ نهێنی و من دانپێدان نەكر هەتا هاتیمە ئازادكرن، پشتی هاتیمە ئازادكرن ماوەكێ درێژ مام ل دەڤەرێن ئازادكری و نەوێریام بهێمە زاخۆ و نە خەلكەكی بینم و هەر كەسەكێ من جلكێن لەشكری ل بەر دیتبان من هزر دكر ئەڤە دێ هێتەمن و هەر كی با من نەدڤیا بینم هەموو گاڤان ئەزێ چاڤ ترسیایی بووم و دەمێ ئەز دزیدانێ ڤە ل سالا1982بۆ 1983 قوتابخانە بۆ من هژمارت سالا نەسەركەفتنێ 1983بو 1984 (عدم رسوم بی تقریر تبی) پشتی هوینگێ ژی ئەز نەشیام بەردەوامیێ بدەمە قوتابخانێ و هندی ئەز تەعزیب دابووم و ئەو هەردوو تەقریرێن توبی دئامادەبوون و هەردیسان سالا 1984 بۆ 1985 دو سالان ل دووڤ ئێك ئەز نەشیام خواندنێ تەمام بكەم و من راپورتێن پزیشكی هەبوون و ل گورەی ئەوان راپورتێن پزیشكی من نەشیا بەردەوامیێ بدەمە خواندنێ وەك پێشتر مە ئاماژە پێكری بۆ ماوێ دو سالان و سالا ئەز گرتیم ئەو سال بوومن هاتە هژمارتن سالا كەفتی ئانكو رسوب و بێ دەوام و پشتی بورینا دو سالان من قوناغا شەشێ ئامادەیی ب دووماهی ئینا.
لوقمان مایی، زیندانیێ سیاسی بەحسێ روودانێن سالا 1988ێ ل كوردستانێ كرن و گۆت: ل سالا 1988ێ نێزیكی ئەنفالان بوو و بەری وی دەمی مە هەمی مالان كارێ خوە كر، هەر شەڤ دو تەرەكتر ژ كومەلگەهێ هیزاوا دەركەفتن و ناڤێ شوفێرەكی وەحید سەرەرویی بوو و ئێك سەلیم سەعید بوو ژ مالا عەجمێ دو كورە جحلێن زیرەك بوون و هەر شەڤ ئەڤان مال ل كومەلگەهێ ڤەدگوهاستن و مە كەل و پەلێن خوە دهنارتنە دەڤەرێن ئازادكری دناف شورەشێ دا و من محەمەد موسی نوكە ل ئەمریكا دژیت و مە هەردوكان مالێن خوە پێكڤە باركرن و مە هنارتنە گوندێ كانی مەزنێ و ژنبرا من وی دەمی ل مویسل بوو و نەدشیا بهێت و ئەم ماینە هلاویستی، بێ كەل و پەل و تشت ل خانی ڤە و ئەو بوو رێك هاتنە گرتن و پەیوەندی دناڤبەرا مە و دەڤەرێن ئازادكری و شورەشێ دا هاتنە برین و پەیوەندی ئێدی نەما و دایك و باب و برا و باپیر و پسمامێن من بەر هەوا ئەنفالا كەفتن و دو برایێن من ناڤ شۆرەشێ مان و هەر هەمی دەربەدەربوون و باب و باپیر دەربازبوونە سنورێ توركیا و ل سلوپی باپیرێ من ملا عبدولكریم وەغەردكەت و دگەهیتە كاروانێ شەهیدان و هەر ل وێ دەڤەرێ دهێتە ڤەشارتن، ئەرشیفێ من و هەر تشتەكێ گرێدایی ب من ڤە و دەمانجا من یا رێكخستنێ و هەر تشتەكێ من خودێ ژێ رازی دایكا من ل گەل خوە برن و پاراستن و هەلگرتن و برنە سلوپیا و هەر ل وێرێ دەمانجا من دایكا من كربوو بن كەفشێ خوە ڤە، پشتی دهێنە پشكنیكرن ل وێرێ دەمانجا من ژ دەیكا من دهێتە ستاندن و دەمانجا من هژمارە حەفت بوو و یا دەستك زەر بوو و یا رێكخستنێ بوو و ئەرشیفێ من جانتەی دا بوو و دایك و بابێن من سەرا دەمانجا من دهێنە دەستەسەركرن بەری ببنە كەمپا مێردین و دیاربەكرێ، خەلكی نەرازیبوونا خوە دیاركرن و خوەپیشاندان كر و دایك و بابێن من هاتنە ئازادكرن لێ دەمانجە ژێ هاتە ستاندن و دووڤ دا هاڤێـنە قانیونێن رەژیێ دا و هنارتنە كەمپا دیاربەكر و مێردینێ و دایك و بابێن من چوونە مێردینێ و مامێن من ئەو چووینە دیاربەكر و ئەرشیفێ من بڤی رەنگی هاتە پاراستن و چار سالان ئەڤ ئەرشیفە ما ل كەمپا مێردینێ، ل سەر هلدانا پیرۆز من خوە گەهاندە سلوپی و ب رێكا موختارێ قزلتەپە و شەڤەكێ مامە ل وێرێ و دیسا رێك ب مەهاتە دان و چوومە كەمپا مێردینێ و من دایك و بابێن خوە و برایێن خوە دیتن و دو حەفتیان مامە ل وێرێ و دووڤ دا چووم من سەرا مام و پسمامێن خوە ل كەپا دیاربەكر دا و ئەرشیفێ خوە من ل گەل خوە ئینا ڤە و بڤی رەنگی ئەرشیفێ من هاتبوو پاراستن.
