هیڤی و ئۆمێدێن مە ئێكرێزیا ملەتـێ كوردە چونكی ئێكرێزی سەركەفتنە
سالار محەمەد دۆسكی:
12-13
ئەم ژ مالێن خوە دەركەتین خەلكێ دەركارێ و هیزاوا ب بچوویك و ژن و زاروك ڤە ل سەر جادێ نە و یێ ئاهەنگێن خوشیێ دگێرن و چاریانا هیزاوا و دەركارێ و باتیفا و ل باتیفا ژی دەستپێكر و خودێ ل سەر شاهدە ئەز چوومە سەر جادێ و زیلەكا لەشكرێ ئیراقێ و شوفێرەك تێدا بوو و كلاشینكوفەك ل سەر ملی بوو و هەر ل دەستپێكێ من ئەو ژ چەككر و وێنەكێ سەدامی ل سەر دیوارەكی دروست كر بوو و هەر ئێك ژ مە چەندین گولە هاڤێتنە وێنێ وی و مە جادا خوە گرت كاك ی دێ هێت و كی دێ چیت، رەفیقەك هات ل پشتا ترەكترێ دا بوو و ب بێجامێن بازەی بوو و هاتە بەرسینگێ مە و چەند هەڤالا ئەقسام لێ كێشا و ل بەر بوو ب كوژن و من گۆتێ كا جارێ راوستن و من گۆتێ ئەگەر ئەڤە یێ كوشتنێ با ژ دەستێن مالا عەجمێ قورتال نەبوو و بۆ خودێ دێ بێژم مالا عەجەمێ سەرهلدان كریە و مە رێك دایێ دەربازبوو و ئەم وێ شەڤێ ژ دەركارێ هاتینە گركی و دووڤ دا ئەم هاتینە زاخو و شەڤا 14 زاخۆ ژی هاتە پاقژكرن، دووڤ دا دهۆك و سێمێل ژی رۆژا 14/3/1991 هاتنە پاقژكرن.
هەمان زیندانیێ سیاسی ئەو ژی گۆت: پشتی پاقژكرنا باژێرێ زاخۆ مە چەند كەسان بریاردا بارەگایەكی بخوە ڤەكەین و ل قوتابخانا بەدرخان مە بارەگایەك بخوە ڤەكر و مسجلەكا مەزن و چەند سماعە مە دانانە سەر بانی و دیواران، خەلكێ زاخۆ و كەسایەتیێن باژێری و رەوشەنبیریێن باژێری گەلەك قەستا بارەگایێ مەكر و لژنەك هاتە دروستكرن و هەمان دەم مە لژنەكا راگەهاندنێ ژی دروستكرن و لژنا راگەهاندنێ و شەوكەت مەلا تاها بۆ بەرپرسێ مەیێ راگەهاندنێ و لوقمان محسن مایی، شڤان شێخو، عبدلرەحمان سندی، عومەر عەلی نەعمان سندی، مستەفا مامۆستا تركژی، محەمەد ئەمین سلێڤانەی، سەبری بوتانی، بەیار باڤی و چەند مامۆستا ل گەل مە و مە بەنگاوز راگەهاندن و مە دیاركر ل كیش جهی مە نەخوش هەنە و كیش جهی مە بریندار هەنە و دەنگ و باسێن پێشمەرگەی مە رادگەهاندن و مە ئەڤ كارەكر هەتا پێشمەرگە گەهشتیە باژێرێ زاخو، د. كەمال كەركووكی و بەرپرسێ محوەری هاتە ناڤ باژێرێ زاخو، مەلا رەمەزان قومری، بەحشتی وەك بەرپرسێ لژنا زاخۆ، جلال ئەبو جیهان هەرسێ مخابر بوون ل گەل دا و خەلكێ مە ڤێك كەفتن و پێشمەرگێن خودان ناڤ و خودان هەلویست وەك محەمەد خالد بوسلی هاتنە ناڤ باژێری و مام جلال تەلەبانی ژ سوریێ هات و هاتە دێرا ئەرمەنا و ئەم چووینە دیوانا مام جلال تەلەبانی و هێرو ل گەل دا بوو و خوە دانیاسین و كومبوون ل گەل مە چەند كەسان كر و دووڤ دا تەماشەی چەند بارەگایا كر ل باژێرێ زاخۆ، دووف دا بارەگایێن حزبی ل باژێرێ زاخوۆ بەرفرەهـ بوون، پارتی، ئێكەتی، شوعی و پارتی گەل گەلەك حزبێن دی بارەگایێن خوە ڤەكرن، وی دەمی بوومە گەلەك تشت سوریێ دهاتن و رەبیەك رێكێ دا هەبوو گەلەك جاران دهاڤێتە زەورق و پێشمەرگەكێ مە شەهید بوو و د.كەمال كەركووكی وەكی بەرپرسێ محوەری بوو و بریاردا بچن وێ رەبیێ راكەن و ئەوا زەورەقا رولەكێ باش هەبوو دڤەگوهاستنێ دا و پێشتر مام جەلال و سامی شنگالی هەر دو ب رێكا ئەوا زەورەقا دەرباز ب بوون و ئەرزاق و گەلەك هاریكاری ومە ژ وی رەخی دهاتن و نێزیكی 800 پێشمەرگا ل گەل د. كەمال كەركووكی و بەحشتی چوون دا وێ رەبیا گر چەپەر راكەن دا رێكا هاتن و چوونا مە بۆ سوریێ خوش ب بیت و ئەو رەبی یا لەشكرێ ئیراقێ بوو لایێ دیێ ئاڤێ بوو ولایێ سحێلا بوو و ناڤێ وێ رەبیێ گرچەپە بوو و دووڤ دا سوریێ رێك نەدا كو پێشمەرگە ل رەبیێ بدەت و گۆتن بۆ پەیوەندیێن هەر دو وەلاتان باش نابیت و دڤێت رازیبوون هەبیت و نەهێلا و پێشتر ئەوان گۆت بوو وەرن و دئەوان كاودانان دا فرقەكا لەشكرێ ئیراقێ ل دێرەبیێ وی ئالی دا دەربازبوو و هات و هندەك رۆژنامەڤان هاتبوون و دكتور كەمال كەركوكی گۆتی تە من مێهڤانێن منن و مە مولیدەك هەبوو من پاتریێن كامیران ئەوان رۆژنامەڤانا بۆ شحنكرن و دەمێ ئێڤارەكا درەنگ هاتینە دەف من گۆتن پێشمەرگە زالترە و فرۆكەك هنگافت و گۆت پێشمەرگە زیرەكترە و پتر زالترە ل سەر دەڤەرێ و مورالا مە بلند بوو ئەم نەترسیاین و من گۆت ئەم نارەڤین، ئەز و سەیدایێ محەمەد ئەمین و د. شەوكەت ماینە ل بارەگایی و هندەك ل سوریێ هاتنە لایێ مە و هندەك ئاسێ بوون و دەلیڤە بۆ دروست نەبوو ئەو ژی بهێنە ڤەگوهاستن و لەشكرێ ئیراقێ هاتە ناڤدێرەبینێ و پێشابیرێ و پێشرەوی كر بەرەف گەلی هات.
