هیڤی و ئۆمێدێن مە ئێكرێزیا ملەتـێ كوردە چونكی ئێك رێزی سەركەفتنە
سالار محەمەد دۆسكی:
2-13
بابێ من گۆت هەر دو ئالیان گولە دهاتنە من و من چەندین ئایەت بخوە ڤە خواندن هەتا شیام دەربازببم و ئەو دووماهی شەرێ گرانێ بابێ من بو وتێدا پشكداری كری و دوڤدا بۆ نكسۆیا سالا 1975 و گەلەك شەرێن دی بابێ من پشكداری تێدا كریە.
زیندانیێ سیاسی لوقمان محسن مایی گۆتژی: دەمێ نسكۆیا سالا 1975 دروست بووی وی دەمی ل قوناغا پێنجێ سەرەتایی بووم بەلێ مە هەست پێ دكر شۆرشا كوردی تێكچوو و خەلكێ كوردستانێ بگشتی گەلەكێ عاجز و نەخوش بوون و دیسا مە ژ بابێن خوە ژی زانین كو شورەش تێكچوویە و و بێ هیڤی بوونەك ل دەف خەلكی بگشتی پەیدا ب بوو، وەك مە ئاماژە پێكری پێشتر مامێ من ژی ل گەل هێزا هەلگورد بوو و پێشمەرگە بوو و چەندین شەرێن بناڤ و دەنگێن كوردستانێ پشكداری تێدا كربوو وەكی زوزك و هندرین و ب هەیڤان ل گلالە چومان بوو، مامێ من ملا سمائیل جهێ بابێ خوە گرت و مەلاتی ب رێڤەبر، 1975 دەمێ شورەش تێكچوویی مالا مە دناڤ بەرواری یا بوون ل گوندێ تشیشێ و شۆرش بوو هەر جار مالا مە ل جهەكی بوو ژ بەر شۆرشێ و مەلاتیێ و ئەم ل وی گوندی بووین چونكە مە هندەك مولك هەبوو ل وێرێ و ئەو گوندەكێ مەسیحی یا بوو، دەمێ ئادارا سالا 1975 نسكو دروست بووی و راستە ئەم بچوویك بووین بەلێ مە دیت پێشمەرگە كوم كوم ژ چیایی دهاتە خوار و چەكێ وا بەرۆڤاژی ب ملێن وان ڤە و سندی و گولی و سلێڤانەی بەرەف زاخۆ چوون و پێشمەرگێن بەرواری یا بەرەف دهۆكێ هاتن و چەكێ خوە رادەستی حوكمەتێ كرن و باب و مامێن چەكێ خوە رادەستی حوكمەتێ كرن و هەر ئێكی پشتی چەند رۆژا 50 دینار وەرگرتن بەرامبەر رادەستكرنا چەكێ خوە.
لوقمان مایی هێشتا ژی گۆت: پشتی نسكۆیێ بابێ من بۆ فەرمانبەر ل رێڤەبەریا دارستانێ ل سەرسنگ و ئەم چەند سالان هاتینە وێ دەڤەرێ و دوڤدا خوە ڤەگوهاستە رێڤەبەریا چاندنی ل كانی ماسێ وی هەر دو نێزیكی ئێك بوون وەك كاركرن، و ئەم هاتینە گوندێ تشیش ل كانی ماسێ و 1986 بابێ من هاتە دەستەسەركرن ب مەرەما چوونا لەشكرێ ب زووری ئانكو جێش شەعبی و ئینا فەیدیێ.
لوقمان محسن مایی بەحسێ ژیانا خوە یا زاروكیێ كرو گۆت: من قوتابخانەیا سەرەتایی ل گۆندێ مایێ ب دووماهی ئینایە و ناڤنجی ل دەركارێ و ئامادەیی ل بێرسڤێ ل زاخۆ ب دووماهی ئینایە، هەلبەت ئەز كورێ مالباتەكا پێشمەرگەو خودان خەبات بووم و هەموو دەمان هزرو بیرو باوەرێن كوردایەتیێ و هەست و دلێ مەدا هەبووینە و ل بیرامنە دەمێ بابێ من ژ چەپەرێن شەری دهات بەحسێ شەرۆ داستانێن پێشمەرگەی دكرن و دگەل مامێ من دەمێ ل هێزا هەلگۆرد و گولالە و چوومان ناو پردان و سەد دوكان دهاتن دەستوردان دوەرگرت و بەحسێ داستان و قارەمانی یا پێشمەرگەی دكر و بەحسێ داستانا سەدوكان یا بناڤ و دەنگ دكرو بیست و پێنچ پێشمەرگە ل ئەوێ داستانێ شەهید بوون و ئەو هزرو بیرە هەردەم لنك مان و هەردەم كوردایەتی ددلو جانێ مەدا مەزن دبوو.
هێشتا گۆت: ل قوناغا پێنجێ سەرەتایی ل گەل بابێ خوە چوویمە بارەگایێ ئەسعەد خوشەڤی ل قومریێ وی دەمی من هەست ب كوردینێ دكر كو ئەڤە پێشمەرگە نە و یێ بەرەڤانیێ ژ ئاخ و وەلاتێ مە دكەن و گەلەك جاران ل گەل بابێ خوە چوویمە بارەگایێ ئەسعەدی ل بارمەنێ ل گوندێ زێوە شێخ پیراموس خالێ من مەلا سالح بناڤی كاتبێ ئەسعەد خوشەڤی بوو و بەردەوام ل گەل بابێ خوە من هاتن و چوون دكر وەكی كورەكێ نازداركری و نە برایێ مەزن بووم بەلێ گەلەك ب بابێ خوە ڤە یێ گرێدایی بووم و بابێ من ژی گرنگیەكا باش دامن وەكی هەڤالەكی بەردەوام ل گەل بووم و تایبەت ل دەركەفتنا و چوون و هاتنێن وی، ل سەر دەمێ باپیرێ منێ دایكێ ئەحمەد عەبدوللا بناڤی پێشمەرگە بوو ل گەل دو كورێن خوە فەیسەل و مەلا سەعید ژ خێزانێن كوردپەروەربووین و ژلایێ بابێ دایكێ ڤە ژ هەر دو ئالیان ڤە.
هەمان زیندانیێ سیاسی گۆتژی: پشتی چەند هەیڤا ژ تێكچوونا شۆرشا ئیلۆنا مەزن و دەسپێكا شۆرشا گولانا پێشكەفتنخواز ل سەردەمێ قیادا موەقەت رێكخستنێن چێبووین ل دەڤەرێن ل سەر سنۆرێ كوردستانا باكورو و دەڤەرا بەرواری بالا ئەزچوومە گوندێ چەم سەیدا مالا مام شوكری عەبدلباقی مایی و مامی من سوحبەت بوومن دكرن، و دگۆت پێشمەرگە یێن هاتینە دەڤەرێ و شۆرشا نوی بوویە ڤە و ل وی دەمی ژیێ من هەڤدەسال بوون و من گۆتێ من دڤێت ببینم و شۆرش چەوایە و چ پێنگاڤ هاڤێتیە مامێ من گۆتی كەسەك بەرپرسێ وی پێشمەرگەیە بناڤێ مستەفا مزووری و ئەوی مرۆڤی ئەم یێن رێكخستین و ئەم كارێ حزبایەتیێ ژی دكەین، ب شێوەكێ نهێنی و ئەم ئابوونا ددەین و ئەو پێشمەرگەه ب شەڤ دهێنە نك مە و درەنگ، چەنكو دوژمن و رژێما بەعس دزورن و دیسان كەسێ باوەری ب كەسێ نەمابوو و هەموو خەلكێ كوردستانێ خو هەتا ژنێ باوەری ب مێرێ خوە نەدهات و برایی باوەری برایی نەبوو و مامێ من بەردەوامی دا گوتنێن خوە گۆت مەرێكخراوەكا حیزبی یا نهێنی چێكریە و ئەز ژی ئەندامێ ئەوێ رێكخراوێ مە و كاری خوە یی حیزبی دكەین و كومبوونا دكەین و ئشتیراكێن خوە كۆم دكەیین و ناڤێ رێكخراوامە (قەدەم خێر)ە من گۆتێ من دڤێت ئەز مستەفا مزوری بینم و ل گەل باخڤم و شەڤەكێ ل دەمژمێر دوو هاتە مالا وان و مەئێك و دوودیت و مە دانوستاندن ل گەل ئێك و دوو كر و ئەژی هاتمە رێكخستن ل گەل وێ رێكخراوێ ئەوا مامێ من بەحس ژێدكر بناڤێ قەدەم خێر و من ژی ل گەل وێ رێكخراوێ كاردكر، بەلی بتنێ من مامی خوە دنیاسی و پاشی هێدی هێدی رێكخراو بەرفرەهتر بوو و ئەو كەسێن مە باوەری پێ دهات ژنێزیك مە ئێك و دوو نیاسی و مە دەنگۆباس و ئەرزاق و دەرمان و پێدڤیێن پزیشكی دگەهاندنێ، مامە ل گەل وان و رێكەفتی 1/10/1978 هەتا 1980 ئانكو ئەز 1/10/1978 هاتبوومە رێكخستن و پاشی سالا 1980 من گوت ئەز دێ سەربەخو كاركەم من رێكخراوەك چێكر بناڤێ جەلەو لا و ناڤێ منێ نهێنی (شولكەر) بوو و سەرپەرشتی من دكر ژبەر زولم و زورداریا رژێما بەعسیا و سەدامێ گوربگور هندی هند مللەتێ مە تەپەسەركربوو، و زوری لێ دكر و گرتن و كوشتن و ئەشكەنجەدان و مال و مولكێ وان مسادەرەدكریان دەستێ خوە دانا سەر و حیزبا بەعس یا حكومدار دهەموو شیان و هێزێن خوە نەخوشی و دەردەسەری بۆ گەلی مە و خەلكێ كوردستانێ ب گشتی چێدكرو هندەك زالگەه دانا بوونە ل سەر رێكێن هاتن و چوونێ بتنێ بۆ زوریێ و ئیهانەكرنا كوردستانیا و وەنەدكر قالبەكێ سابینێ یان كیلویەكا شەركرێ، یافەردەكێ شەكرێ یان برنجی بۆ مالێن خوە ببەتە ناڤ دەڤەرێ و نەلبن دەستێ وان وەكو دەڤەرێن لبن دەستێ پێشمەرگەی.
