هیڤی و ئۆمێدێن مە ئێكرێزیا ملەتـێ كوردە چونكی ئێكرێزی سەركەفتنە
سالار محەمەد دۆسكی:
8-13
بابێ من ب هاریكاریا كەسەكی دگۆتنێ سەلامێ ترشی خوش مرۆڤ بوو ل سیكا زاخۆ ترشی دفروت و دوكانا وی نێزیكی كەمباب فەهمی بوو و بابێ من چوو دەف و بابەتێ من بۆ شرۆڤەكر و گۆتێ ئەم چ ژێ نوزانین تو نەشێی دیڤچوونەكێ تشتەكی بكەی و گەلەك ژ مێژە یە كورێ منێ بێ سەرۆشینە و خزمەت گوزارەكێ ئەمنێ هەبوو كارێ پاقژكرنێ رادبوو و گەلەك جاران ئەو خزمەت گوزار چوو دوكانا سەلامی ترشی بۆ ئەمنێ دكری و سەلامی پرسیارا من ژ وی خزمەت گوزاری كربوو و گەلەك جاران من گازی وی خزمەت گوزاری كریە و سەرێ خوە نە رادكر وەكی من گازی دكرێ نوزام نەوێرا یان نە و من بخوە ئەو گەلەك جاران دیتی یە ل ئەمنێ و جارەكێ من گۆتە وی خزمەت گوزاری ناڤێ من لوقمان مایی یە و بەرواری مە و ئەگەر ل دەرڤە بێژیە مرۆڤێن مە دا لمن نەگەرن و بەلكی بەرەڤانیەكێ بوو من بكەن، پاشی ئەڤی خزمەت گەزاری گۆتە سەلامی و سەلامێ ترشی فرۆش گۆتە بابێ من كورێ تە ل ئەمنا زاخۆ یێ دەستەسەركریە و بابێ من ژی هەوارا خوە گەهاندە چەند ئاغایێن دۆسكی و زاخویی و توفیق بەگێ بەرواری یا و بابێ من هەمی بزاڤكرن و هەمی دەرگەهـ قوتان بتنێ تشتەكی بۆ من بكەت، ئەز هێشتا ل ئەمنێ بوم و رۆژەكێ ئێكێ ئەمنێ هات و ناڤێ من خواند و بتنێ جلكێ داخلی ب بەرمن بوو و یێ ریس بووم و دەستێن من گرێدایی بوون ژ پشتێ ڤە و چاڤێن من گرێدایی بوون و من كەسەك نەدیت و لەشێ من هەر هەمی خوینە و چەرمێ لەشێ من سەر رابوویە و بتنێ یا ل هزرا من ناڤێ چ هەڤالێن خوە نەبێژم و دانپیدانێ نەكەم و هەمی بزاڤا بكەم ل سەر هزرێن خوە بم، جەلادێن ئەمنێ ئێكی دگۆتنێ ملازم عزەدین، حەجی خزەیەر، یاسین تەلەعفەری توركمان بوو، مفوز یەعقوب، كەریم، سالح مفوز، ئەڤە یێن ئەشكەنجەدانێ بوون ئەڤان دگۆتە من مە تو كوشتی بۆچی تو دانپیدانێ ناكەی یان تە دڤێت هەر ناڤێ تە بهێتە خواندن بێژین و شەهیدێ قەهرەمان؟ جورێن ئەشكەنجەدانێ بكارئینان بەلێ من هەر دانپیدان نەكر و ل سەر هشێن خوە بووم و هەر من دگۆت چ ل سەر من نینە و ئەز نە رێكخستی مە و ئەوێ ئەمنێ سویند خوار و گۆت چەوا زانم ئەڤە مێزە یە هوسا زانم تو رێكخستی و جلادێن ئەمنێ گۆت دڤێت تو دانپیدانێ بكەی مە تو كوشتی و مە توساخكری و دڤێت تو دانپیدانێ بكەی و دەمێ ب وی شێوێ كرێت كو فانێلە ب چاڤێن من ڤە و بتنێ جلكێن داخل ل بەرمن و لەشێ من هەمی خوین بریمە دەف رێڤەبەرێ ئەمنێ و دووڤ دا چاڤێن من ڤەكرن و من دیت بابێ من و عەبدوللا غفار، توفیق بەگ بەرواری بوو مرۆڤێن مە بوون ل گەل بابێ من بوو و رێڤەبەرێ ئەمنێ یێ بەرهەڤە هەمی ل ژوورا رێڤەبەرێ ئەمنێ دانە، رێڤەبەرێ ئەمنێ گۆت دێ دانپیدانێ كەی یان نە و دانپیدانێ بكە ئەڤە توفیق بەگێ هاتی سەرۆكێ هوزا هەوە بەرواری یا و بابێ تە ل ڤێرە یە و ئەڤە مرۆڤێن تە هاتینە و دانپیدانێ بكە و هەر نوكە دێ تە ئازاد كەین ل گەل بابێ خوە هەرە و هەرە مال، ما دێ چەوا هێمە ئازادكرن و ئەگەر من دانپیدان كر ب بەرهەڤبوونا هەرسێكا و ئەڤە هەرسێ من ل سەر خوە كرنە شاهد ئەڤجا چەوا دێ هێمە ئازادكرن و ئێكسەر دا بابەت ب دووماهی هێت و ئێكسەر سێدارەدان بوو، بەلێ خودێ هێز دامن و دەمێ بابێ من ئەز دێ وێ رەوشێ داد یتیم ئێكسەر روند ژ چاڤا هاتنە خوار و نەشیا خوە و كرە گری و كورێ خوە یێ نازدار كری وێ رەوشێ دا دیتی و ریس و لەشێ من هەر هەمی خوین هەر كرە گری و دناڤ گریا خوە دا بابێ من گۆت دانپیدانێ نەكەی ل دەف رێڤەبەرێ ئەمنێ و ئەوان مرۆڤێن ئامادە بووی و من گۆتێ چ ل سەر من نینە و ئەز یێ بێ گونەهم و رێڤەبەرێ ئەمنێ ب زمانێ عەرەبی گۆت دێ تەكوژین و ساخ كەین و دڤێت تو دانپیدانێ ب شاشیا خوە بكەی و من ژی دلێ خوە دا گۆت ئەگەر هووین چ ل من بكەن ئەز دانپیدانێ ناكەم و جارەكا دی دو جەلادێن ئەمنێ دەستێن من گرتن و بەرەف ئەشكەنجەدانێ برم و بابێ من ئەو ژی دەركەفتن و پشتی بەرەف ئەشكەنجەدانێ بریم و هوسا قوتام هەتا دەستەكێ من و پێ من ژی هاتە شكاندن و (9) كون ل پێ منێ چەپێ ڤەكرن وەكی سەرادێ لێكر و ئەز بێ هوشش بووم و ب هەمی سیندا كەمە برین پێچ نەوێریا لەشێ من دەرمان بكەت هوسا بریندا كربووم و چ جورێن ئەشكەنجەدانێ نەمان جەلادێن ئەمنێ ل گەل من نەكرین و ئەز بێ هوش بووم و من نەزانی كیڤە بریمە و كیڤە چوویمە و یێ چەوامە وەكی دارەكی كەت بوومە دەستان و هەر دانا من و هەتا ئەو وەستیان و ئەوا ئێك و دو دگوهارت و پشتی بێهڤی بوون كو نەشێم رابم هەر ئەوا راكرم و ب ترۆمبێلەكا ئەمنێ ڤەگوهاستمە نەخوشخانێ، ل نەخوشخانێ دا بریمە ژوورەكا تایبەت و نوژدار هاتینە و پشكنین من كرینە و دیسا بریمە تیشك بوومن گرتینە و خوین دایە من و هەر من ئاگەهـ ژ خوە نینە و هشیار نەبوویمە و پشتی تیشك دەركەفتین نوژداران گۆتە جەلادێن ئەمنێ دەست و پێن ڤی هەر دو شكەستی نە و بتنێ روح تێدا مایە و ئەگەر ئەڤە یێ چوویی یە، دووڤ دا نوژداران داخازا خوینێ كر بۆ ناڤ لەشێ من و پشتی خوین كریە لەشێ من رۆژا دووێ و سیێ من چاڤێن خوە ڤەكرن و سێلان ل جهێ خوارنێ دامن و پشتی هشیار بووم و من بەرێ خودایێ ئەڤە كیڤە یە؟؟ دەمەكی ئەز یێ هەلاویستی بوومەو جورێن ئەشكەنجەدانێ ل گەل من دهانەكرن و نوكە ل ژوورەكا تایبەتم ل نەخوشخانێ و ئەز هەرێ هزرێن خوە دكەم و جار دبێژم ئەڤە خەونە و جار دبێژم ئەڤە نەراستە ئەز كەفتیمە تێدا و جار ژی دبێژم كێ ئینایمە ڤێرە؟ و هەر من گۆت ئەڤە راست نینە چونكە ل سەر نڤینكا مە و ل سەر تەختی مە و بالیفك لبن سەرێ منە و هەر ئەزێ ئەڤان هزرا دكەم چەوا هاتیمە ڤێرێ و چەوا چاڤدانا من دهێتەكرن ل گەل ئەڤان هزرا من دیت دەنگێ ڤەكرنا دەرگەهی یێ دهێتەكرن و سێ جەلادێن ئەمنێ ئەڤێن ئەشكەنجەدایم ب ژوور كەفتن، مفوز یعقوب و حەجی خەیری عەرەب و یاسین تەلەعفەری بوون و ب ژوور كەفتن و بەری نوژداری و دووڤ دا نوژدار هات و عەرەبانا دەرمانا هات و برین پێچ هاتنە ژوور و من شنی زانی ئەز ل نەخوشخانێ مە و كەسەك نەوێریت ژ بەر ئەوان جەلادێن ئەمنێ ل گەل من باخڤیت و پرسیارەكێ بكەت و نوژداری بەرێ خودا برینێن من و لەشێ من و برینێن من و پشكنین كرن و برین پێچا دەرمانكرم و رۆژێ چار دەرزیك بوومن هاتنەدانان و ئەو دەرزیكێن ئنتهاباتا بوون و رۆژێ چار دەرزیك ل رانێن من دان و سپێدێ و ئێڤاری دەست و پێ و لەشێ من بگشتی دهاتەدەرمانكرن و گەلەك پارچێ، لەشێ من ژ قوتانێ رزی بوون و گەلەك جه ژی وەرمت بوون و ل دەمێ دەرمانكرنێ روحا من چوو و دو هەیڤ دەرباز بوون ل نەخوشخانێ دا من ژیان دەربازكر و رۆژانە ل گەل نوشدار و برین پێچا من ژیان دەرباز دكر، ل دووڤ ئاخفتنێن نوژدار و برین پێچا هەر ل دەسپێكێ دەمێ دهاتمە دەرمانرن ئەوێن ئەمنێ گۆتن دێ رابین ڤەگوهێزینە ئەمنێ ڤە و نوژداران گۆتێ دێ كیڤە بەن؟ نوژدارن گۆت ئەڤە یێ مریە و ئەگەر هوون دەربێخن نا گەهیتە ئەمنێ و ئەڤی مرۆڤی تاقەت نینە و هێز نەمایە و لەشێ وی هەمی برینە و هەستی شكەستی نە و ئەوا جەلادا گۆت رێڤەبەرێ ئەمنێ فەرمان دایە بتنێ دەرمان كەین و ڤەگوهێزینە ئەمنێ ڤە و نوژداری گۆت كا دێ ل گەل رێڤەبەرێ ئەمنێ ئاخفم و ئەوی رێڤەبەرێ ئەمنێ نیاسی و نوژداری كاودانێن لەشی و برینا من بۆ رێڤەبەرێ ئەمنێ شرۆڤەكرن و گۆتێ ئەگەر ئەڤە بهێتە دەرخستن رەنگە ناگەهیتە نیڤا رێكێ و بمریت و ئەڤە پێدڤی ب دەرمانكرنێ و چاڤدانێ یە و ئەگرە نوكە دەربێخن ناگەهیتە نیڤەكا رێكێ و دێ مریت و بلا ئەڤە ل دەف مە بیت و ئەم دێ چاڤدێریا وی كەین هەتا لەشێ وی و برینێ نوی ساخ دبن و پاشی ئەم دێ هەوە ئاگەهدار كەین و رێڤەبەرێ ئەمنێ ناڤێ وی مەیسەر مسلاوی بوو دگۆتنێ أبو مەیادە و رازی بوو ل نەخوشخانێ دا بمینم وەك پێشتر من ئاماژە پێكری دو هەیڤ دەربازبووم و من ژیانا خوە ل نەخوشخانێ دا دەربازركر و رۆژانە نوژدار دا هێت من بینت و سەحكەتە رەواشا من ل گەل برین پێچا ماهر و حجی نوح تاها شنگالی و محەمەد بێزهی خودێ ژێ هەمیان رازی بیت و دكتور دانیال زەیا خوشابە گەلەك هاریكاریا من كر و ڤێ دووماهیێ من ل گەل خوە برە دەف عەلی عونی و دەست خوشی و سوپاسیا دكتور دانیالی كر بۆ وێ خزمەتا پێشكێشی من كری.
