هیڤی و ئۆمێدێن مە ئێكرێزیا ملەتـێ كوردە چونكی ئێك رێزی سەركەفتنە
سالار محەمەد دۆسكی:
1-13
ئێك سەرۆك رێكخراوێن رێكخستنێ یێن پارتی كو ل ل دووماهی یا سالێن حەفتێ و دووماهی یا سالێن هەشتێ رۆلەكێ كاریگەر دبەلاڤەكرنا بەلاڤوك و دەنگۆباس و هاریكاریا پێشمەرگەی دا هەبوو و خورتكرنا بزاڤا قوتابیان دا ل زاخو هەبوو، هەمان دەم دهێتە دەستەسەركرن و تووشی گەلەك نەخوشی و ئەشكەنجەدانێ دبیت و دوڤدا دهێتە ئازادكرن و سەرهلدانا پیرۆز ژی رۆلەكێ كاریگەر ل دەڤەرێ دگێریت.
لوقمان محسن عەبدولكەریم ئیبراهیم مایێ، د دیدارەكێ دا ل گەل رۆژناما ئەڤرۆ دیاركر،
هەتا قوناغا شەشێ سەرەتایی ناڤێ وی بڤی رەنگی بوویە ئانكو لوقمان محسن بوویە، دوڤدا رەگەزنامە بۆ هاتە چێكرن و ناڤێ وی ب شاشی هاتە نڤێسین ب نەعمان محسن هاتە دیاركرن، بەلێ كەسەك نانیاسیت ب ناڤێ نەعمان محسن و هەر هەمی ب لوقمان محسن مایی دنیاسن.
زیندانیێ سیاسی، لوقمان محسن مایی، ژدایك بوویێ سالا 1963یە ل دەڤەرا بەرواری بالا گوندێ مایێ كو گوندەكێ ناڤدارێ دەڤەرا بەرواریا یە ل دەڤەرا بەهدینان كوپ تریا خەلكێ ڤی گوندی شێخ و زانا و نڤیسەر ژ ئەڤی گوندی رابووینە، زیدانیێ سیاسی لوقمان محسن مایی، زێدەتر گۆت: ئەم وەك مالباتەكا ئەڤی گوندی دهاتینە نیاسین ب مالا مەلا ئیبراهیم كورێ ئەحمەد مەلا محەمەدی یە و شەش كور و كچەك هەبوون ناڤێن كورێن وی عەبدلباقی و عەبدلرەحمان و مەلا سەلیم و مەلا عەبدلكەریم و ئەمین و ئەحمەد و ساریا و خودان مولك و تەرشو كەوالەكێ باش بوون و عەبدلباقی دوو كورو كچەك هەبوون بناڤێ شوكری و حەمدی و كچەك بناڤێ زەینەب عەبدلرەحمانی دو كور و كچەك هەبوون بناڤێ ئیبراهیم و ئەمین و فەهیما، مەلا سەلیم دو كور و كچەك هەبوون بناڤێ محەمەد و سەلمان و ئاسیا، مەلا عەبدلكەریم سێ كور و دو كچ هەبوون، بناڤێ مەلا ئیسماعیل و مەلا محسن مەلا محەمەد تاهر و ئاسیا و فاتیما، و ئەمینی ژی كچەك و كورەك هەبوون بناڤێ مستەفا و مریم و ئەحمەدی ژی سێ كورو كچەك هەبوون بناڤێ عەبدوللا و سەبری و رەشید و جوەیرا و ساریایێ ژی كورەك هەبوو بناڤێ تەیفور باپیرێ من مەلا عەبدلكەریم مەلا سەلیم و مەلا عەبدلباقی مەلاتیا گوندێ بەرواری بالا یا كری و مەلا عەبدلباقی مەلا بوو ل گوندێ چەمسەیدا و مەلا سەلیم ل گوندێ دەرگەلێ و مەلا عەبدلكەریم ل چەند گوندان یا كری وەكو گوندێ تیلەرێ و قومریێ و خشخاشا و گركا و مەلا عەبدولكەریم سێ كور هەبوو، مەلا ئیسماعیل مەلاتی كریە پێش بابێ خوە ڤە، مەلا عەبدلكەریم ل سالا 1959بیناهیا چاڤان ژ دەست دا بوو و مەلا محسن و محەمەد تاهر و بیناهیا چاڤێن خوە ژدەست دابوو كورە بوویە و هەردوو كورێن دی پێشمەرگایەتی كریە.
هەمان زیندانیێ سیاسی گۆت: بابێ من مەلا محسن مەلاتی نەكریە و ل سالا 1956 چوویە لەشكریا عیراقێ و ل حەبانیێ بوویە لەشكر و پاشی پشتی شەش سالان و پلەیا عەریف وەرگرت، لەشكریێ دهێلیت و ل سالا 1961 دگەهیتە ناڤ رێزێن پارتی دیموكراتی كوردستان ل دەڤەرا بەرواریا و دهێتە رێكخستن دناڤ رێزێن پارتی دیموكراتی كوردستان ل گەل ملا ئەحمەد دشێشی و ل سالا 1962 دبیتە پێشمەرگە و گەرم گەرما شۆڕشا ئەیلولێ ل گەل ئەحمەد شانە هروری و عەلی تاها قمری چەند شەرو داستانێن نوی سەردەمی پشكداری كریە وەكو شەرێ ناڤیلاو هەروسا و سەرێ ئامێدیێ و بامەرنێ و چیاێ دێركێ و گەلیێ بێسرێ شەرێ بناڤ و دەنگێ چیایێ زاوا و ل سالا 1974 د وی شەری دا چار پێشمەرگەه شەهیدبوون، ئێك ژوان جەرگیس و یوسف قومری بوو و محەمەد سالح چەلكی و محەمەد رەجەب هروری و یاقیب عمر هروری و هەتا كو سالا 1975 نسكویا و رێكەفتنا خیانەتكاریا جەزائیر، سالا 1976 دبیتە فەرمانبەر ل رێڤەبەریا چاندنێ ل سەرسنكێ و پاشی دهێتە ڤە گوهاستن بۆ رێڤەبەریا چاندنێ ل كانی ماسێ و مەزرەعێ ل تشیشێ و سەفەریا هەتا كو سالا 1986، ل سالا 1986 دهێتە گرتن ژلایێ جێش شعبی یا عیراقێ ڤە و دهێتە رەوانەكرن بۆ مەعەسكەرێ فەیدیێ و پشتی سێ رۆژان ل گەل مرۆڤەكێ مەیێ دی بناڤێ محەمەد مستەفا مایی دچنە چیایێ زاوا بابێ من شارەزایی چیایی دا هەبوو ژ بەر پێشمەرگاتیێ و دەربازی گوندێ گەڤەركێ دبن مالا مام فازل حەسەن بناڤی و دبنە مێهڤان و پاشی خوە دگەهینە دەڤەرا بەرواری بالا و دەڤەرێن رزگاركری ل ناڤ پێشمەرگەی ل گوندێ كانی مەزنێ و خێزانا وی ژی دگەهیتێ و وی دەمی مالا برایێ وی محەمەد تاهری ل گوندێ كانی مەزنێ بوو و كورێ وان ئدریس پێشمەرگە بوو ل لژنەیا ئامێدیێ و مانە ل ناڤ شۆڕشێ ب كەس وكارو براڤە هەتا كو ئەنفالێن رەش ب سەر گەلێ مەدا هاتین وەكی خەلكێ دەڤەرێن ئازادكری سالا 1988 بەرب سنورێ توكیا دچن و باپیرێ من ل سلوپا شەهید بیت و هەر ل وێرێ دهێتە ڤەشارتن، پاشی باب و برایێت عیماد و ئدریس و من هەردو مامێت من مەلا ئیسماعیل و محەمەد تاهری بەرب مێردینێ و دیاربەكرێ دچن و بابێ من و محەمەد تاهر پسمامێ وا ئەمین ب خێزان ڤە ل مێردینێ دمینن مالا مەلا ئیسماعیل و مام شوكری گەلەك مرۆڤێن مە دچنە دیاربەكر، هەتا سالا 1992 بەرب ئەمریكا دچن هەتا سالا 2012 بابێ من ب سەرەدانەكێ دهێتە كوردستانێ و ب رویدانەكا دلتەزین دچیتە بەردلوڤانیا خۆدێ و پاشی دایكا من ژی ل سالا 2014 دچیتە بەردلوڤانیا خۆدێ.
لوقمان محسن مایی، زیندانیێ سیاسی زێدەتر بەحسێ مێژوویا بابێ خوە ل شۆرشا ئیلۆنا مەزن كر و گۆت: بابێ من ل دەسپێكا سالێن شێستان پەیوەندی ب شۆرشا ئیلۆنا مەزن كربوو، هەمان دەم دەست ب كارێ رێكخستنێ ل گەل مەلا ئەحمەدێ دشێشی دناڤ شۆرشێ دا كر، و ل گەل بەتەلیونا ئەحمەد شانە هروری و عەلی تاها قومری وەك پێشمەرگە خەباتا خوە دەستپێكر و هەتا 1975 بەردەوام بوو وەك پێشمەرگە و ئاماژە پێكری پشكداری مەزنترین شەرێ چاییێ زاوا بوو ل سالا 1974ێ وی دەمی ئەم بچوویك بووین، دەمێ دەنگۆباسێن شەری گەهشتینە مە و دیار بوو چار بەرواری وی شەری دا هاتینە شەهیدكرن و هەتا وی دەمی دەنگویێ شەهید بوونا بابێ من ژی هاتبوو بەلاڤەكرن و بابێ من و محەمەد سالح چەلكی مابوونە دبن بەرەكی را لایێ دێ چیایی و دەمێ بابێ من ب سەركەفتی هەتا شەل والێ وی ژی چەندین گولە ڤێ كەفت بوون خودێ پاراست ژ هەمی مریان رازی بیت.
