هێرێرا: مێسی یێ شیانێن خوه ڤه دگهرینت
ئهڤرۆ،
ستێرا تهپا پێی و یانا پاریس سانجێرمان یا فرهنسی دیاركر ههڤالێ وی و ستێرا ئهرجهنتینی لیونێل مێسی یێ هێز و شیانێن خوه ڤه دگهڕینت و یاریا ل گهل مۆنبێلێی بهلگهیا ڤێ چهندێ ددهت.
هێرێرا ئهوێ بۆ تۆرا ئامازۆرن برایم گۆت: ئهز باش دووڤچوونا لیونێل مێسی دكهم، یاریا شهڤا دهربازبوو د خولا فرهنسا دا ل گهل مۆنبێلێی شیا دو گۆلان تۆماربكهت و جوانترین ئاست نیشان دا و ههروهسان د یاریێن بوری دا ههتا نهه جاران ئاسنێ گۆلێ نه هێلایه ئهو گۆلا تۆماربكهت، سهرباری دهێته گۆتن یاریزانێ وهكو مێسی ب گۆلا یێ بهرنیاسه لێ ل گهل تیما مه بوویه ئهگهر ئهم ههموو باشترین ئاست نیشان بدهین.
ههروهسان ناڤهاتی گۆت: ب زهحمهته پشتی بۆ زێدهتر 20 سالان ل گهل یانا بهرشهلۆنا بیت و شێواز و پلانێن خولا ئسپانیا و فرهنسا ژێك دوورن و دیسان شێوازێ ژیانێ و یێ رۆژانه وهكو ئێَك نینن لهورا دهم پێ دڤیت ههتا د سهقایهكێ نوو دا ب گۆنجیت، د نوكه دا مێسی شیان و هێزا خوه یا ڤه دگهڕینت و سالا بهێت دێ دوباره باشترین یاریزانێ جیهانێ بیت.