هێزەکا نوو شەڕ ل دژی ئیرانێ راگەهاند
ل باژێرێ پاوە یێ رۆژهەلاتێ کوردستانێ بەری دو رۆژان چەندین پاسدارێن ئیرانێ هاتنە کوشتن و هێزەکا نوو یا کوردی ب ناڤێ خۆری هیوا راگەهاند کو وان دەست ب کوشتنا وان کەسان کرینە یێن کو دەستێ وان ب خوونا لاوێن کورد سۆر بووینە و دێ بەردەوام بن د سزادانا وان کەسان دا یێن چەندین سالن ل رۆژهەلاتێ کوردستانێ بووینە گەف و مەترسی ل سەر کوردان.
هێزا خۆری هیوا وەکو هێزەکا چەکدار هەبوونا خوە راگەهاندیە و هەتا نها ژی ناهێتە زانین کا ئەو هێزا چەکدار سەر ب کیژ ئالیێ سیاسی یێ کوردی یە، هەروەسا د تۆرێن جڤاکی دا گەلەک وەلاتیێن کورد یێن رۆژهەلاتێ کوردستانێ ژی پشتەڤانیا خوە بۆ هێزا نوو یا ب ناڤێ خۆری هیوا دیار کرینە و ئاماژە ب ڤێ یەکێ دکەن کو دڤێت دوژمنێن گەلێ کوردستانێ ل رۆژهەلات بگەهنە سزایێن خوە.
