هێشتا ئەنفال لبەر چاڤێن مەنە

رێژین حکمەت

سەحارا و بیابانێن بیانیا
بێهنا نێرگزا یا ژێ‌ دهێت،
وێ بێهنێ دفنا دوژمنان ڤەكرن
بێ تاوان نیشا هەوەدان.
ل وەلاتێ مە
بیرەوەری ساخبوون
ئەسمان دەرزی
بارانا ڕەش ل مە باری
بریسی بەردان!
چیا رابوون
كار بۆ ڕێڤەچوونێ كرن
ڕۆژ ل گەل مە ساخكرن
هێشتا هەستیێن زارۆیێن ئەنفالا ئەم یێ كۆم دكەین
گۆرێن ئەنفالان لێكددەن ڕادكەن…
هێشتا و هێشتا
بوویە چیرۆكەك درێژ
ڤولكان ڕابوون
ئەرد شەق شەق كرن
جیهان هشیاركر
ل گەل مە گریا..
ڕابە دایكا لێ سۆتی هناڤ
ئاخا سەحرایێ
ب خوینا كوردان شلە
خوینا هەستیێن ڤان بێ تاوانا
دەنگێ تلیلیێن خووشك و برا
باهۆزێن ب هێز ڕاكرن
نەشیا تاوانبارا هەمیان ل گەل خۆ ببەت
ئەڤ دوژمنێ هار هارە
بێ دین بێ ئیمانە..
ڕابە خووشكا من
ڕابە كراسێ ڕەش ژ بەر خۆ بكە
ڕابە باب و برا
ڕابە ژن برا
گۆسترا تە یا ل تلیا برایێ من
ل گەل كەلەخا دیاردكەت
برا ژی ل گەل كاروانیا ب ڕێككەڤت..
فریشتەیان ب دەنگێ خۆ دەنگڤەدا
گۆت ئەڤە بیرەوەیا هەلپچەیە
ئەڤە تۆلڤەكرنا ئەنفالێ یە
مە ل گەل هەوە ساخ كر!
شەهید ڕابوون ژ گورستانێ
دەستێ خۆ ل گەل مە بلندكرن
خودێ ل هاوارا مە وەرە!
ئەڤە پێشمەرگە ژی ڕێبەرە
دێ تۆلا وان ڤەكەت
گەڤزینیت
تاوانبارێن ئەنفالان سێدارە دەت
دوژمنۆ
هەر گیانەكێ
من ل ئەنفالێ دای
هەر جانەكێ من گۆری تە كری
دێ ب ڤان دەستان
وەریسێ سێدارەدانێ بۆ تە ڤەهینم
ل پێش چاڤێن جیهانێ
تۆلا ئەنفالا ڤەكم.

کۆمێنتا تە