هەدەپێ دووماهی ب مانگرتنا خوە ئینا
ئەڤرۆ نیۆز:
پارتیا دیموکراتی یا گەلان کو دەست ب مانگرتنەکا دو رۆژی کربوو بەری دەمەکێ ب فەرمی مانگرتن ب دووماهی ئینا.
پەروین بۆلدان هەڤسەرۆکا هەدەپێ راگەهاند کو مانگرتنا مە ل دژی وێ زۆلم و زۆرداریێ یە کو دەولەتا تورکیا ل دژی مە و ئۆجەلانی برێڤە دبەت و نێزیکی هەیڤەکێ یە هەڤالا مە لەیلا گوڤەن ژی دەست ب مانگرتنێ کریە و مە ژی ب ڤێ مانگرتنێ پشتەڤانیا وێ کر.
هەدەپە هەروەسا داخواز دکەت کو دۆرپێچا ل سەر ئۆجەلانی بهێتە راکرن و دەمیرتاش و سەرکردێن دی یێن هەدەپێ بهێنە ئازاد کرن.
ل ئالیێ دی دوهی سەرۆک کۆمارێ تورکیا راگەهاند کو یێن ل دژی تورکیا بزاڤان بکەن دێ گەهنە سزایێن خوە و بریارا دادگەها تورکیا یا ل دژی دەمیرتاشی ژی ل جهێ خوە دایە و دڤێت دادگەها ئورۆپا ژی رێزێ ل بریارێن دادگەها مە بگریت.