هەر كەڤالەكێ من چێڕۆكەكا تایبەت ژ سروشتێ دەڤەرا مە ڤەدگێڕیت
مووسا خالد
شێوەكار (سافیا عەلی) كو نوكە قوتاببیە ل كولیژا هونەرێن جوان/ ل زانكۆیا دهۆك و خەلكا ناحیا شێلادزێ یە، د دیدارەكێ دا گۆت: ئەز پتر كەڤالێن سروشتی چێدكەم و مرۆڤ دخوازیت ڕاستییا ناخێ خۆ ل سەر سنۆرێن كەنڤاسی بژمێرێت و هونەر ل دەف من نە نەخشەكێ جوانە، بەلكو پەناگەهەكە دەمێ ئەز وەك قوتابیەكا قۆناغا چارێ من باوەریا هەی كو كچەكا شێوەكار دشێت ب هێزا ڕەنگان، نە تەبتنێ جوانكارییان، بەلكو ڕوحیەتا دەڤەرەكا تامەكا مەزن وەك شێلادزێ ڤەگۆهێزیتە جیهانا ڤەژاندنێ.
هەروەسا گۆت: هەر د زارۆكینیێ دا كەسایەتیا من و سروشتێ شێلادزێ بوونە ئێك، دەمێ ئەز ل چیا، ڕووبار و دیمەنێن دەڤەرا مە دبینم، هەست دكەم ئەڤە نە بتنێ جهەكە، بەلكو پارچەك ژ ڕۆحا من و من ژ زوو ڤە حەزژ وێ یەكێ كر كو ئەڤینا خۆ بۆ سروشتی نەهێلم تە بتنێ د ناخێ خۆ دا بمینێت، بەلكو ب ڕەنگێن زەیتی و ب ڕێكا كەنڤاسی بئینمە دەر و بكەمە جهەكی دیار و بۆ من تابلۆكرنا سروشتی بتنێ نە ئەوە كو مرۆڤ تشتەكی جوان وێنە بكەت، بەلكو ئەز دخازم بینەر دەمێ بەرێ خۆ ددەتە كەڤالێن من بێدەنگیا شێلادزێ و دەنگێ ئاڤێ و بێهنا چیایان ل وێرێ هەست پێ بكە و وەك قوتابیەك ئەز كار دكەم دا كو هونەرێ من ببیتە زمانەك بۆ گەهاندنا ئەو پەیام و جوانكارییێن ڕەسەن یێن كو دەڤەرا مە هەین و كەڤالێن من دیمە نێن چیا، گەلی،چەم، دارستان و گولێن دەڤەرا مە نیشاددەن.