هەلـكەفتا شـۆڕەشا 26ی گولانـێ ل زاخـۆ ب چەندین چالاكیان هاتە ساخكرن
زاخۆ، دلۆڤان هالۆ:
ب ئامادەبوونا سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا رێكخستنا پارتی ل پارێزگەها دهۆكێ و عومەر ئۆرەیی، بەرپرسێ لقێ هەشت یێ پارتی ل زاخۆ و هەژمارەكا بەرپرسێن حزبی و حكومی، دوهی 17/5/2026 پشكداری گەشتا لیژنا ناوچا خابوور یا پارتی ل زاخۆ بوون، كو تێدا چەندین چالاكیێن جودا هاتنە ئەنجامدان.
د ڤێ گەشتا نیشتیمانی و جەماوەری دا، چەندین چالاكیێن فۆلكلوری و مێژوویی هاتنە پێشكێشكرن، وەكو: ڤەكرنا پێشانگەهەكا فۆتۆگرافی كو تێدا دیمەن و قووناغێن جودا یێن بزاڤا رزگاریخوازی یا گەلێ كوردستانێ هاتبوونە نیشادان، دیسا نمایشەكا تایبەت یا پێشمەرگێن دێرین وەكو ڕێزگرتن بۆ خەبات و قوربانیێن وان د كاروانێ شۆرەشێ دا.
ڤێ هەلكەفتێ جۆش و خرۆشەكا مەزن د ناڤ پشكداربوویان دا پەیداكر وەكو بەردەوامیەك بۆ زیندی ڕاگرتنا بهایێن شۆڕەشا 26ی گولانێ.
