هەمبێزەكا ژ دل
شیان مەهدی كانیساركی
دەمێ تابویتا بابێ وی ئینای گۆت»بەختێ هەوە من دڤێت بۆ دویماهیك جار هەمبێزبكەم» ژ سەرملێن خوە دەینا و ژ هەمی دلێ خوە هەمبێزكر. ئەگەر زانیبا دێ شڤێدی برایێ وی یێ ئێكانە گولەیەكێ ل سەرێ خوە دەت دا ژدل هەمبێزكەت. پشتی ئەو فرۆكەیا دا خویشكا وی بەت غەریبیان لبەر چاڤ بەرزەبووی، ژنوی گۆتە خوە خوەزی من ژدل هەمبێزكربا و گوتبا زاڤای چاڤێ تە ل خویشكا من بیت. ل دویماهیێ ئەو دەیكا ژ خەمێن وان دا باركری، دویماهیك هیڤیا دلێ وێ بوو هەمبێزا ژدل یا كورێ وێ، ئەو ژی دەمێ ژدل هەمبێزكری وێ هایژێ نەبوو. بریاردا ناڤێ كچا خوە یا هێژ نەهاتی سەر دونیایێ بكەت (هەمبێز) لێ نە گەهەشت هەمبێزا وێ!
