هەموو پارتێن کوردی دشێن ل رۆژئاڤا ئۆفیسێن خوە ڤەکەن
ئەڤرۆ نیوز، هۆشەنگ تاجر:
رێڤەبەریا خوەسەر یا باکورێ سووریێ ئەڤرۆکە راگەهاند کو هەموو پارتێن کوردی یێن کو بەری نها دەستوری ژ رێڤەبەریا خوەسەر ژی وەرنەگرتبوون دشێن ئۆفیسێن خوە ڤەکەن.
ل دۆر ڤێ بابەتێ فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا بۆ ئەڤرۆ نیوز دیار کر کو ئەڤ بریارە چو گوهۆرینەکێ ل رۆژئاڤایێ کوردستانێ دروست ناکەت، چونکو هەتا نها گەلەک هەڤالێن مە هاتینە گرتن و ئۆفیسێن مە هاتینە سوتن، دڤێت پەیەدێ جارێ ئەگەرێن ڤان کریاران بۆ مە ئاشکرا بکەت و یا دی ناکۆکیێن مە و پەیەدێ ل سەر ڤەکرنا ئۆفیسان نینە، بەلکو ئەم پارتیەکا کوردستانی نە و مە دڤێت ل رۆژئاڤا ب ئازادانە کار بکەین، لێ ئەو ل دژی هندێ نە، ژ بەر ڤێ یەکێ ژی ب ڤێ بریارێ چو گوهۆرین ل رۆژئاڤا دروست نابن.
