هەوەكا مەزن یا پاقژكرنا ژینگەهێ ل دهۆكێ دەست پـێ كـر
دهۆك، لەزگین جۆقی:
دەڤەردارێ دهۆكێ دیاركر كو وان دوهی 26/4/2026 دەست ب هەوەكا مەزن یا پاراستن و پاقژكرنا ژینگەهێ ل دهۆكێ كر و دبێژیت: دهۆك ل سەر ئاستی ئیراقێ و هەرێما كوردستانێ پاقژترین باژێڕە.
بریندار حەیدەر، دەڤەردارێ دهۆكێ خویا كر، «ل ژێر درووشمێ دهۆك مالا مە هەمیانە» و ب پشكداریا هەمی دام و دەزگەهێن حكومی ل دهۆكێ، دەست ب هەوەكا مەزن یا پاقژكرنا ژینگەها دهۆكێ هاتە كرن و گۆت: «ئەڤ هەوە بۆ دەمێ چەندین رۆژان دێ یا بەردەوام بیت، مە دڤیت ژینگەه و سروشتی پارێزگەها دهۆكێ پتر بهێتە پاراستن، دیسا هەر كەسێ ژینگەهێ پیس بكەت دێ هێتە سزادان».
گۆت ژی: «هەر رۆژ دام و دەزگەهەك ل پارێزگەها دهۆكێ دێ جهەكی دەستنیشان كەت، ئەو جه هەموو دێ هێتە پاقژكرن، ئەم دخوازین خەلك بەرمایكان د ناڤ ژینگەهێ دا نەهێلن و دەمێ ژ سەیرانێ ب دووماهی دهێن جهێن خۆ پاقژ بكەن و بەرمایكان نەهێلن».
