هەژمارەكا جادەیان ل چەمانكێ هاتنە سەخبێركرن

ئامێدیێ، مەحمود نهێلی:

جادەیێن هەژمارەكا گوند و جهێن گشتی ل سنۆرێ ناوچەدارییا چەمانكێ هاتنە سەخبێركرن و چێكرن، كو ژ ئەگەرێ‌ لەهی و بارانێن ئەڤ سالە زیان گەهشت بوونێ.
ئیسماعیل حەمید، رێڤەبەرێ ناوچەدارییا چەمانكێ بۆ رۆژناما ئەڤرۆ دیار كر، رێڤەبەریا سەخبێری و پاراستنا رێك و پران دەست ب پاقژكرن و ڤەكرن و گرێدانا چەندین رێك و پران ل سنۆرێ ناوچەدارییا چەمانكێ كریە و سەخبێركرینە و گۆت: «ئەڤ جادە ئەو بوون، یێن ژ ئەنجامێ لەهیان زیان گەهشتیێ و ئاستەنگی بۆ هاتنوچوونێ دروستكربوون».
گۆت ژی: «رێڤەبەریا سەخبێری و پاراستنا رێك و پران جادەیا ناحیا چەمانكێ بۆ گوندێ بێبادێ سەخبێركر و رێكا سەرەكی یا گوندێ گەڤەركێ هاتە ڤەكرن و سەخبێركرن، كو ژ ئەگەرێ لەهی و بارانێن دژوار یێن ئەڤ سالە زەرەرێن مەزن ب رێیا گوندی كەفت بوون».

کۆمێنتا تە