هەژمارەكـا جادەیێن ناڤخۆیـی ل ئاكرێ دهێنە قێركرن
رەمەزان زەكەریا:
د چارچۆڤەیێ بزاڤێن بەردەوام یێن سەرۆكاتیا باژێرڤانیا ئاكرێ دا بۆ باشتركرن و گەشەپێدانا سیمایێ باژێڕی، جادەیێن تاخێ 11ی ئەیلۆلێ دهێنە چێكرن.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «جادەیێن تاخێ 11ی ئەیلۆلێ ب سەرپەرشتیا سەرۆكاتیا باژێرڤانیێ و ب رەنگەكێ ئەندازەیی و رێكوپێك دهێنە چێكرن و دێ هێنە كۆنكریتكرن و قێركرن».
ناڤبری گۆت ژی: «پڕۆژە ژ سێ جادەیێن سەرەكی و لاوەكی پێك دهێت، جادەیا ئێكێ پانییا وێ 10 مەترن و درێژاهیا وێ 150 مەترن، جادەیا دووێ پانییا وێ 15 مەترن و درێژاهیا وێ 750 مەترن و جادەیا سێیێ پانییا وێ 20 مەترن و درێژاهیا وێ 260 مەترن».
