هەیبەتا ڤی واری
سالح حەكیم
ئەنیا ڕۆژێ
ئالایێ خوینێ
ڕەنگ و نەخشان
ددلان دا گەشێ دكەن
مرید و هەڤكیڤێن دۆزێ
ئەنیا شەڕێ ئازادیێ ماچی دكەن
ب پاییزا ئوسمانیا نكارن
خەملا دێمێ بهارا مە
ژناڤ ببەن
ئەسمانێ ڤی واری
تژی ڕۆندكێن
خوینێ یێن باراندین
پرێزەیێن كەسك
ژ نەفەل و گیای
یێن بەربەتەن كرین
ئەڤجار دێ چاوا
هەیبەتا ڤی سروشتی
ب ئاگرێ كەربا
وان سۆژیت..
ڕەشە عەڤرێن زڤستانا
سەفەوییا ژی
لەهیەكە هەڕۆژ گەڤزكێ
ب هەڕیكێلا خوە دكەن.
