والیێ داعشێ یێ نوو ل مووسل به‌حسێ تۆلڤه‌كرنێ ژ پێشمه‌رگه‌ى دكه‌ت
ئه‌ڤرۆ نیۆز:
شاره‌زایێ كاروبارێن گرۆپێن چه‌كدارى هاشم ئه‌لهاشمى ئاشكراكر، سه‌ركردێ چه‌كدارێن داعشێ ئه‌بو به‌كر به‌غدادى والیه‌كى نوو بو نه‌ینه‌وا هه‌لبژارت و ئارمانجا داهاتى یا هێرشێن داعشێ دێ كۆمپانیا په‌ترۆلا باشورى بیت.
هاشم ئه‌لهاشمى ل سه‌ر مالپه‌رێ خوه‌یێ تایبه‌ت یێ فێسبۆكى به‌لاڤكریه، ب باوه‌ریا من هه‌موو چه‌كدارێن داعشێ یێن ژ دیالا ره‌ڤین نوكه ل حوێجه و گوندێن داقوق و دوبس یا نێزیكى كه‌ركووكێ خڕڤه بووینه.
هه‌روه‌سا گۆت: ده‌سته‌یا شه‌رعیا چه‌كدارێن داعشێ ل رۆژهه‌لاتا مووسل نها مژوولى كوشتن و سه‌ربڕینا وان كه‌سایه یێن دژى وان دراوه‌ستن، هه‌ڤده‌م ئاماژه‌دا هندێن به‌غدادى زه‌لامه‌كى توند ره‌و بناڤێ حه‌سه‌ن سعود ئه‌لجبورى وه‌ك والى مووسلێ دانایه و سۆزدایه تۆلڤه‌كرنێ ژ پێشمه‌رگه‌ى ڤه‌كه‌ت.
هاشمى خوه‌یاكر، ئارمانجا داعشێ یا بهێت دێ كونترۆلكرنا كۆمپانیا په‌ترۆلا باشورێ عیراقێ بیت و ده‌ڤه‌رێن حوێجه و سلێمان بگ و كونترۆلكرنا له‌یلان بیت.
