وه‌ره خانم
نایف مه‌حمود
وه‌ره خانم
ب سلاڤه‌كێ، د گه‌ل سازه‌كێ
ب قه‌فته‌ك گولا
ل ده‌ف من روونه
زوهره‌یا ئه‌سمانێ وه‌لاتێ من
هه‌لبه‌سته‌كێ
ب ده‌نگێ خوه یێ نازك
ل ده‌ف من بخوینه
بارانه‌كا په‌یڤان
ژ هه‌ستێن خوه یێن دلینی
بكه ستران،
ئاوازه‌كێ ب سازا خوه
ژێ بژه‌نینه
وه‌ره خانم
هه‌ناسا خوه بكه باوه‌ش
خودانا وێ به‌ژنا زراڤ
وان چاڤێن ڕه‌ش
گه‌ر بوهارا ئه‌ڤی دلی
دبیته پایز
هێدی هێدی
به‌ر ب خه‌مێن من ڤه وه‌ره
ئه‌ڤان خه‌ما ژ دل و
جانێ من بده‌رینه
بوه‌رینه.
