وه‌زاره‌تا خواندنێن بلند: سێ خالێن گرنگ به‌رچاڤكرن
ئه‌ڤرۆ نیۆز:
وه‌زاره‌تا خواندێن بلند و ڤه‌كۆلینا یا حوكمه‌تا هه‌رێما كوردستانێ راگه‌هاند، بڕیار لسه‌ر ڤه‌كرنا كولیژا نوشدارى ل زانكۆیێن كوردستانێ نه‌هاتینه دان، هه‌ڤده‌م داخواز ژ هه‌موو زانكۆیان كر سێ خالان به‌رچاڤ بكرن.
ل دووڤ نڤیسارا وه‌زاره‌تا ناڤبرى كو دانه لبه‌ر ده‌ستێن ئه‌ڤرۆ نیۆز كه‌فتیه، تێدا هاتیه ره‌تكرن كو وه‌زاره‌تا خواندنا بلند و ڤه‌كولینین زانستى بڕیار ل سه‌ر ڤه‌كرنا كولیژا نوشدارى یا ئه‌هلى ل زانكویێن هه‌رێما كوردستانێ دابیت.
هه‌روه‌سا ل خالا دوێ یا وێ نڤیسارێ دوپاتى ل سه‌ر ڤه‌كرنا هه‌ر كولیژ و پشكه‌كێن ل هه‌ر زانكویه‌كا حوكومى یان ئه‌هلى بیت پێدڤیه رازیبوونا وه‌زاره‌تا خواندنێن بلند و ڤه‌كۆلێنین زانستى بهێته وه‌رگرتن.
خالا سیێ یا نڤیسارا وه‌زاره‌تێ ئاماژه‌دایه هندێ، كو ئه‌و 12 قوتابیێن زانكویا كوردستان نه‌هاتینه وه‌رگرتن، به‌لكى ل زانكویا نوشدارى (گراس) ل وه‌لاتێ نه‌مسا هاتینه وه‌رگرتن و هه‌ر ل وێ زانكویێ ژى دێ مینن هه‌تا پرۆگرامێ خواندنا خوه ب دووماهى دئینن.
