وه‌زاره‌تا دارایی سێ بریارێن چاكسازیێ ئیمزاكرن
ئه‌ڤرۆ نیوز:
وه‌زیرێ دارایی و ئابووری یێ حوكمه‌تا هه‌رێما كوردستانێ ئیمزا ل سه‌ر چه‌ند بریاره‌كێن ده‌ربارێ چاكسازیێ ل سیسته‌مێ خویكێ ل هه‌رێما كوردستانێ كر.
ئه‌ڤرۆ 24/8/2020 وه‌زاره‌تا دارایی و ئابووری یا حوكمه‌تا هه‌رێما كوردستانێ راگه‌هاندنه‌ك به‌لاڤكر و تێدا هاتیه كۆ وه‌زیری دارایی ئیمزا ل سه‌ر چه‌ند بریاره‌كان ده‌ربارێ چاكسازیێ ل سیسته‌مێ خویكێ ل هه‌ریما كوردستانێ كر كۆ ئه‌ڤه‌نه:
- هه‌لوه‌شاندنا لێخوشبوونێ ژ خویكێ بۆ پرۆژه‌یێن گه‌شتو گوزارێ.
- لێخوشبوون ژ خویكا عه‌ردێ پرۆژه‌یێن وه‌به‌رهێنانی دهێته هه‌لوه‌شاندن، له‌ورا پێدڤیه وه‌به‌رهێنه‌ر پێگیر بن ب دانا خویكا عه‌ردێ پرۆژه‌یی.
- گرێبه‌ستێن دناڤبه‌را حوكمه‌تێ و كۆمپانیا ماس دهێته ه‌لوه‌شاندن، كۆ تایبه‌ت بۆ ب لێخوشبوون ژ خویكێ تاكو 5/2/2036، له‌ورا پێدڤیه كۆمپانیا ماس پێگیر بیت ب دانا خویكێ ژ رۆژا ده‌ركه‌تنا فه‌رمانێ یا ژماره 13 ل 7/8/2019.
