وه‌زاره‌تا ناڤخوه رۆهنكرنه‌كێ ل دۆر نڤیساره‌كا خوه به‌لاڤ دكه‌ت
ئه‌ڤرۆ نیوز:
وه‌زاره‌تا ناڤخوه ل هه‌رێما كوردستانێ رۆهنكرنه‌ك ل دۆر نڤیساره‌كا خوه به‌لاڤكر كو ئاراسته‌ى پارێزگه‌ها دهۆكێ هاتیه كرن و یا تایبه‌ته ب مه‌زاختیێن حه‌فته‌مین فلمه فیسته‌ڤالا دهۆك یا نێڤده‌وله‌تى یه.
د رۆهنكرنا وه‌زاره‌تا ناڤخوه دا هاتیه” پارێزگا ب رێیا وه‌زاره‌تا ناڤخوه نڤیساران ئاراسته‌ى وه‌زاره‌تان دكه‌ن، ئه‌ڤ نڤیساره ژى یا سه‌رده‌مێ كابینا هه‌شتێ یه كو پارێزگه‌ها دهۆكێ داخوازا رازیبوونێ ژ وه‌زاره‌تا دارایى كربوو و وه‌زیرێ به‌رێ یێ دارایى ژى داخواز كربوو ل سه‌ر بودجا پارێزگه‌هێ بهێته مه‌زاخیتن، به‌لێ پارێزگه‌ها دهۆكێ به‌رسڤا نڤیسارێ دابوو كو بودجا پێدڤى نینه، له‌وما پاشى ژ لایێ وه‌زاره‌تا دارایى ڤه رازیبوون هاته وه‌رگرتن و ب رێیا وه‌زاره‌تا ناڤخوه پارێزگه‌ها دهۆكێ ژ ل دۆر رازیبوونێ هاته ئاگه‌هداركرن”.
ل دووڤ وێ رۆهنكرنێ ژى، وه‌زاره‌تا ناڤخوه ئه‌و پاره نه مه‌زاختیه، به‌لكو تنێ پارێزگه‌ها دهۆكێ ژ رازیبوونێ ئاگه‌هدار كریه.
